‘కాటమరాయుడు’ సినిమా తర్వాత పవర్ స్టార్ పవన్ కళ్యాణ్ .. దాదాపు మూడేళ్ళ గ్యాప్ తర్వాత ‘వకీల్ సాబ్’ సినిమాతో కమ్ బ్యాక్ అవుతున్నాడు. బాలీవుడ్ పింక్ రీమేక్ గా రూపొందుతున్న ఈ సినిమాకి వేణు శ్రీరామ్ దర్శకుడు. పవన్ ఇమేజ్ కు తగ్గట్టుగా.. అభిమానులు కోరుకొనే విధంగా.. ‘వకీల్ సాబ్’ రూపొందినట్టు తెలుస్తోంది. ఇటీవల టాకీ పార్ట్ చేసుకున్న ఈ సినిమా.. వచ్చే నెల 9న ప్రపంచ వ్యాప్తంగా విడుదల కాబోతోంది.
ఈ నేపథ్యంలో మేకర్స్ ‘వకీల్ సాబ్’ సినిమాకి సంబంధించిన ప్రచార కార్యక్రమాల్ని ముమ్మరం చేస్తున్నారు. అందులో భాగంగా.. వకీల్ సాబ్ సినిమా ట్రైలర్ ను ఈ నెల 29న విడుదల చేస్తున్నారు. ఆ మేరకు ట్విట్టర్ లో ఒక ప్రత్యేక పోస్టర్ తో ప్రకటించారు. ఇక దీని తర్వాత ఏప్రిల్ నెల్లో వకీల్ సాబ్ మూవీ ప్రీరిలీజ్ ఈవెంట్ ను భారీ ఎత్తున ప్లాన్ చేస్తున్నారని టాక్. మెగాస్టార్ చిరంజీవి, మెగా పవర్ స్టార్ రామ్ చరణ్ ఈ వేడకకు ముఖ్యఅతిథులుగా రాబోతున్నట్టు సమాచారం. అదే కానీ జరిగితే.. మెగా జాతరే అన్నమాట.
Must Read ;- ‘వీరమల్లు’ కోసం పవన్ 3 గెటప్పులు .. 30 కాస్ట్యూమ్స్
https://twitter.com/DilRajuofficial/status/1374688494111522821
