నవీన్ పోలిశెట్టి – రాహుల్ రామకృష్ణ – ప్రియదర్శి.. ఈ ముగ్గురూ ప్రధాన పాత్రధారలుగా తెరకెక్కిన చిత్రం ‘జాతిరత్నాలు`. అనుదీప్ కేవీ దర్శకత్వం వహించిన ఈ చిత్రానికి మరో దర్శకుడు నాగ్ అశ్విన్ నిర్మాత. పూర్తి వినోదాత్మకంగా తెరకెక్కిన ఈ చిత్రం మంచి సక్సెస్ సాధించింది. ఈ సినిమాలోని తన నటన గురించి నటుడు ప్రియదర్శి మీడియాతో ముచ్చటించారు. ఆ విశేషాలు చూద్దాం.
* జాతిరత్నాలు కథను నాకన్నా ముందు రాహుల్ రామకృష్ణ విన్నాడు. అతను బాగుందని అనడంతో మా మేనేజర్ ద్వారా నేను కూడా విన్నా. అనుదీప్ కథ చెబుతున్నంత సేపూ నవ్వుతూనే ఉన్నా.
* ఇందులో నేను శేఖర్ పాత్ర చేశాను. ఈ పాత్రను చూసి చాలామంది నాకు ఫోన్లు చేస్తున్నారు. ఆడియన్స్ నవ్వరేమో అని మేం అనుకున్న సన్నివేశాలను కూడా వారు ఎంజాయ్ చేసేస్తున్నారు. జంధ్యాల గారు ఎక్కడి నుంచో అనుదీప్ను ఆశీర్వదించారనిపిస్తోంది. కొంతమంది ఈ సినిమా చాలు.. కరోనా వ్యాక్సిన్ వద్దు అని సరదాగా మేసేజ్లు చేశారు. వ్యాక్సిన్ వేయించుకోండి.. థియేటర్స్కు వెళ్లేప్పుడు మాస్క్లు, శానిటైజర్స్ కూడా వాడడం మరచిపోవద్దు.
* అనుదీప్ షూటింగ్ స్టార్ట్ చేసిన తర్వాత అంతా బాగానే ఉందికానీ ఇలాంటి సినిమాను ప్రేక్షకులు యాక్సెప్ట్ చేస్తారా? అన్న సందేహం వచ్చింది. ఫస్ట్ షెడ్యూల్ పూర్తయ్యాక మాకు నమ్మకం కలింది. అందరం కలిసి సెట్స్లోనే ఇంప్రొవైజ్ చేశాం. ఆడియన్స్కు కనెక్ట్ అయ్యేలా టైమింగ్ కుదిరేలా జాగ్రత్త పడ్డాం. కొన్ని సీన్స్కు మా రిహార్సల్స్ బాగా ఉపయోగపడ్డాయి.
* నవీన్ నాకు రెండేళ్ల నుంచి తెలుసు.. రాహుల్తో పదేళ్ల పరిచయం ఉంది. మా స్నేహమే సినిమాలో రిప్లెక్ట్ అయ్యిందనుకుంటున్నా. బ్రహ్మానందంగారితో నటించడం సంతోషం కలిగించింది. ఇదివరకు ఆయనతో ఓ సినిమా చేశాను. సెట్స్లో ఆయన నాకు చాలా విలువైన విషయాలు చెప్పారు.
* మొదట్లో నాకు సినిమా రంగంలో చోటు కోసం ప్రయత్నించాను. విలన్, హీరో, కమేడియన్ అని కాదుగానీ మంచి నటుడిగా జనం నన్ను గుర్తించాలనుకుంటున్నా. నాకు ఎస్వీరంగరావు గారు, కోట శ్రీనివాసరావు గారిలాంటి యాక్టింగ్ అంటే చాలా ఇష్టం.
* కుటుంబ విషయాలకు వస్తే నా భార్య రైటర్. తను నవలలు రాస్తుంటుంది. తనతో అప్పుడప్పుడూ సినిమాల గురించి డిస్కన్స్ చేస్తుంటాను. ప్రస్తుతం రెండు సినిమాలతో పాటుగా ఓ వెబ్సిరీస్ చేస్తున్నా. చాలా హేపీగా ఉంది.
Must Read ;- ‘జాతిరత్నాలు’ దర్శకుడితో ఎనర్జిటిక్ స్టార్ ?
