ఉపేంద్ర రాజకీయ పార్టీపై ట్విట్ చేసిన వర్మ

మన భారత దేశంలో సినిమా హీరోలు రాజకీయ పార్టీలు స్థాపించడం కొత్తేమి కాదు. ముఖ్యంగా దక్షణాది స్టార్ హీరోలు అనేక మంది రాజకీయ పార్టీలు స్థాపించారు. అందులో కొంతమంది మాత్రమే సక్సెస్ అయ్యారు. ఇంకొంత మంది ఎదురీదుతున్నారు. ఇప్పుడు తాజాగా కన్నడ స్టార్ హీరో, దర్శకుడు ఉపేంద్ర ఒక కొత్త రాజకీయ పార్టీని స్థాపించారు. ఆ పార్టీ పేరు ‘ఉత్తమ ప్రజాకీయ పార్టీ’. ఈ పార్టీ ద్వారా వచ్చే ఎన్నికల్లో తను పోటీ చేస్తానని ఇప్పటికే ఉపేంద్ర ప్రకటించారు.

ప్రస్తుతం కన్నడ గడ్డపై ఉన్న పార్టీల వలన ప్రజలకు ఏ ఉపయోగం లేదని, ప్రజలు ఆకలితో అల్లాడుతున్నారని తెలిపారు ఉపేంద్ర. డబ్బు, కులం, మతం అడ్డుపెట్టుకొని ప్రస్తుతం ఉన్న పార్టీలు అరాచకాలు చేస్తున్నాయని, తమ పార్టీ అటువంటి వాళ్లకు పూర్తి వ్యతిరేఖం అని తెలిపారు. అయితే ఉపేంద్ర పెట్టిన పార్టీపై వివాదాస్పద దర్శకుడు రామ్ గోపాల్ వర్మ తనదైన శైలిలో ట్విట్ చేసారు.

‘విప్లవానికి దారీ తీసే క్రమంలో రాజకీయాల్లోకి కొత్త పార్టీ అడుగు పెట్టడం గ్రేట్ అని, ఉపేంద్రకు పెద్ద ఎత్తున ప్రశంసలు ఇవ్వాల్సిందే’ అని పోస్ట్ చేసారు వర్మ. వర్మ పెట్టిన పోస్టులో ఉపేంద్ర పార్టీకి సంబంధించిన కొన్ని విధి విధానాలు కనిపిస్తున్నాయి. వర్మ ఒక రాజకీయ పార్టీ కోసం ఇంత పాజిటివ్ గా ఎప్పుడూ మాట్లాడలేదని, ఇందులో ఏదో మతలబు ఉందని నెటిజన్లు అభిప్రాయపడుతున్నారు. ఇకపోతే ఉపేంద్ర స్థాపించిన రాజకీయ పార్టీపై నెటిజన్ల నుండి అద్భుతమైన స్పందన వస్తోంది.

ఉపేంద్ర ప్రజలు కోసం వచ్చిన నాయకుడు అని ప్రశంసలు కురిపిస్తున్నారు నెటిజన్లు. మన దేశంలో కొత్తగా ఎన్ని రాజకీయ పార్టీలు వచ్చినా ప్రజలకు మంచిదేనని, ఉపేంద్ర అవినీతి రాజకీయ నాయకుల పని పట్టాలని వారు కోరుకుంటున్నారు. ఉపేంద్ర ఒక మంచి రాజకీయ నాయకుడిగా నిలబడి తన పార్టీని ముందుకు తీసుకువెళ్తారో లేదో చూడాలి.

Must Read ;- రాజమౌళి గ్రీన్ ఇండియా ఛాలెంజ్ ను తిరస్కరించిన వర్మ

Wow this is truly a great step towards a revolutionary new way of looking at a political party .. #Upendra deserves loads of appreciation 👍💪💐 https://t.co/0SDSVn4Rmc pic.twitter.com/YS69x1FXrS

— Ram Gopal Varma (@RGVzoomin) November 20, 2020