Raviteja Coming With Balakrishna Title :
నందమూరి నటసింహం బాలకృష్ణ హీరోగా సక్సస్ ఫుల్ డైరెక్టర్ అనిల్ రావిపూడి ఓ సినిమా ప్లాన్ చేస్తున్నారని గత కొన్ని రోజులుగా వార్తలు వస్తున్న విషయం తెలిసిందే. బాలయ్య కోసం అనిల్ రావిపూడి ఎప్పుడో స్టోరీ రెడీ చేశారు. బాలయ్య డేట్స్ ఇవ్వడమే ఆలస్యం. షూటింగ్ స్టార్ట్ చేసేస్తానని గతంలో అనిల్ రావిపూడి చెప్పడం జరిగింది. దీనికి రామారావు గారు అనే టైటిల్ కూడా ఫిక్స్ చేయడం జరిగింది. ప్రస్తుతం అనిల్ రావిపూడి ఎఫ్ 3 సినిమా చేస్తున్నారు. ఈ సినిమా తర్వాత బాలయ్యతో అనిల్ రావిపూడి సినిమా ఉంటుందని ఈమధ్య వార్తలు వచ్చాయి.
ఇదిలా ఉంటే.. బాలయ్య కోసం అనుకున్న టైటిల్ తో మాస్ మహారాజా రవితేజ వస్తున్నాడు. అవును.. మాస్ మహారాజా రవితేజ 68వ చిత్రానికి రామారావు అనే టైటిల్ను ఖరారు చేశారు. ఆన్ డ్యూటీ అనేది ట్యాగ్లైన్. టైటిల్ పోస్టర్, ఫస్ట్లుక్ను సోమవారం చిత్ర యూనిట్ విడుదల చేసింది. ఇందులో రవితేజ మండల రెవెన్యూ ఆఫీసర్ పాత్రలో కనిపించనున్నారు. రీసెంట్గా ఈ సినిమా షూటింగ్ హైదరాబాద్లో ప్రారంభమైంది. ఇందుకోసం ఓ విలేజ్ సెట్ను వేసి అందులో సన్నివేశాలను చిత్రీకరిస్తున్నారు.
దివ్యాన్ష కౌశిక్ హీరోయిన్. ఈ చిత్రానికి శరత్ మండవ దర్శకత్వం వహిస్తున్నారు. కొన్ని యధార్థ సంఘటనలు ఆధారంగా ఈ చిత్రం రూపొందుతోంది. ఈ చిత్రాన్ని సుధాకర్ చెరుకూరి నిర్మిస్తున్నారు. చిత్తూరుజిల్లా బ్యాక్డ్రాప్లో సినిమా రూపొందుతుంది. మరి.. రామారావుగా రవితేజ వస్తున్నాడు కాబట్టి.. అనిల్ రావిపూడి బాలయ్య మూవీకి టైటిల్ మారుస్తారో లేక రామారావు గారు కాబట్టి ఆ టైటిల్ తోనే వస్తారో చూడాలి.
Must Read ;- బాలయ్య ‘అఖండ’ ఫస్ట్ సాంగ్ కు ముహూర్తం ఖరారైందా..?
