మంత్రులంటేనే.. ఆ డాబూ దర్పం.. అబ్బో చెప్పడం సాధ్యం కాదు చూసి తీరాల్సిందే. అప్పటిదాకా నేలపైనే నడిచే మన నేతలు మంత్రులు కాగానే ఓ రేంజి పైత్యాన్ని అలవరచుకుంటారు. అప్పటిదాకా తనను ఆదరించిన ప్రజలను ఆపై చీత్కరించడం మొదలెట్టేస్తారు. అంతేనా.. తనకు ఏ చిన్న పాటి కష్టం కూడా రాకూడనుకుంటారు. అలా కష్టమొస్తే ఆసరా అడగడం తప్పు లేదు గానీ.. మీరు ఇబ్బంది పడినా ఫరవా లేదు.. నేను మాత్రం సుఖంగా ఉండాలి.. అందుకు మీరు ఎలా చస్తారో నాకు అవసరం లేదు.. నన్ను మాత్రం సుఖంగా ఉండేలా చూడండి.. అంటూ మన మంత్రులు పాల్పడే వికృత విన్యాసాలు మనకు కొత్తేమీ కాదు. అలాంటిదే మరొకటి ఓ మంత్రిగారి పైత్యం ఇప్పుడు వైరల్ గా మారిపోగా.. ఆ మంత్రి మాత్రం అడ్డంగా బుక్కైపోయారు.
బాధితులకు భరోసా నింపేందుకెళ్లి..
ఏపీ పొరుగు రాష్ట్రం తమిళనాడులో ఆ రాష్ట్ర మత్స్యశాఖ మంత్రిగా కొనసాగుతున్న అనితా రాధాకృష్ణన్ తనదైన శైలి పైత్యంతో కెమెరా కంటికి చిక్కిపోయారు. మత్స్య శాఖ మంత్రి హోదాలో రాధాకృష్ణన్ కోతకు గురైన సముద్ర తీర ప్రాంతాన్ని చూసి, అక్కడ బిక్కుబిక్కుమంటున్న మత్స్యకారులకు ధైర్యం చెప్పడానికి పాలవేర్కాడుకు వెళ్లారు. అయితే అక్కడి నీటిలో నడవడానికి ఆయన మహా చిరాకు పడ్డారు. ఒకవేళ నీటితో నడిస్తే తన ఖరీదైన బూట్లు పాడవుతాయని భావించారు. దీంతో అక్కడున్న మత్స్యకారులు ఆయనను ఎత్తుకుని నీరు లేని ప్రాంతం దాకా తీసుకెళ్లారు.
నీళ్లలో కాలు పెట్టేందుకు ససేమిరా
అసలే మంత్రులను ఎప్పుడెప్పుడు బుక్ చేద్దామా? అన్నట్లుగా కాసుక్కూర్చున్న మీడియా ఇలా మంత్రిగారు బాధితుల చంకనెక్కితే ఊరుకుంటుందా? ఈ దృశ్యాన్ని స్థానిక పాలిమర్ న్యూస్ ఫుల్ గా రికార్డు చేసింది. తమ అధికారిక ట్విట్టర్ ఖాతాలో పోస్ట్ చేసింది. కాలికి బురద అంటకుండా పడవలో ప్రయాణించిన రాధాకృష్ణన్ అనంతరం కూడా దానిలోంచి దిగడానికి వెనకాడారు. నీళ్లు ఉన్న చోటే పడవను నిలపడంతో అందులోంచి దిగలేదు. ఈ కారణంగా ఆయనను ఓ మత్స్యకారుడు మోసుకెళ్లాల్సి వచ్చింది. కనీసం నీళ్లలో నడవడానికి కూడా ఇష్టపడిన మంత్రికి ప్రజల కష్టాలు ఎలా తెలుస్తాయని నెటిజన్లు ఇప్పుడు రాధాకృష్ణన్ పై తీవ్ర విమర్శలు గుప్పిస్తున్నారు.
Must Read ;- ‘మీడియాను కంట్రోల్ చేస్తున్న మోదీ!’
TN's Fisheries Minister Anitha Radhakrishnan, who doesn't want to get his shoes wet, carried by a fisherman, reports @PramodMadhav6. Was at Palaverkadu to inspect effects of sea erosion. (via @polimernews) pic.twitter.com/uJ88rAdg5i
— Shiv Aroor (@ShivAroor) July 8, 2021
