పవర్ స్టార్ పవన్ కళ్యాణ్ నటించిన ‘వకీల్ సాబ్’ భారీ అంచనాలతో ప్రేక్షకుల ముందుకు వచ్చినా టాక్ పరంగా భిన్నాభిప్రాయాలు వ్యక్తమవుతున్నాయి. పవన్ కళ్యాణ్ ఇమేజ్ కోసం కథలు ఎక్కువగా మార్పులు చేయడం కూడా కొంత విమర్శలకు కారణమైంది. పింక్ సినిమాలోని అమితాబ్ పాత్ర పరిధిని వకీల్ సాబ్ లో బాగా పెంచారు. ముఖ్యంగా ఫస్టాఫ్ లో వచ్చే ప్లాష్ బ్యాక్ ఎపిసోడ్ మింగుడుపడని విధంగా ఉందన్న అభిప్రాయాలు సర్వత్రా వ్యక్తమవుతున్నాయి. కమర్షియల్ అంశాలు పెంచడంతో పాటు ఎడిటింగ్ లోపాలు ఉన్నాయి.
పవన్ కళ్యాణ్ అభిమానులను దృష్టిలో ఉంచుకుని కథను పక్కదారి పట్టించారన్న విమర్శలు మెండుగా ఉన్నాయి. పవన్ కళ్యాణ్ కు ‘అత్తారింటికి దారేది?’ చిత్రం తర్వాత ఆ స్థాయిలో హిట్ రాలేదు. అందుకే అభిమానులు ‘వకీల్ సాబ్’ మీద ఆశలు పెంచుకున్నారు. పైగా ఆయన జనసేన పార్టీ పెట్టి రాజకీయంగానూ జనంలో ఉన్నారు. దానికి తగ్గట్టుగానే డైలాగులు రాయించినట్టు అనిపిస్తోంది. న్యాయవవస్థను గౌరవించాల్సిన లాయర్లు జడ్జి సమక్షంలోనే ఘర్షణ పడటం కూడా విమర్శలకు తావిచ్చింది. ఫస్టాఫ్ ను కొంత ట్రిమ్ చేయాల్సిన అవసరముందన్న అభిప్రాయాలు వ్యక్తమవుతున్నాయి. పాటల పరంగా చూసినా తమన్ బ్యాగ్గౌండ్ స్కోర్ కూడా దీనికి ప్లస్ కాలేదు.
రేటింగులు అంతంత మాత్రమే
ఈ సినిమాపై ఉదయానికి సోషల్ మీడియా నుంచి స్పందనలు వచ్చేశాయి. యు.ఎస్.లో ప్రీమియర్ షో చూసిన వారంతా ట్విట్టర్ లో స్పందనలు తెలియజేశారు. వెబ్ సైట్లు కూడా రేటింగుల విషయంలో ఆచితూచి వ్యవహరించాయి. అతి తక్కువ రేటింగు 5కు 2.75 మాత్రమే ఇచ్చిన సైట్లు ఉన్నాయి. యావరేజ్ రేటింగ్ 3 పాయింట్లు మాత్రమే. అయితే ఐఎండీబీ మాత్రం బాగానే స్పందించింది. 10 పాయింట్లకు 8.6 రేటింగ్ ఐఎండీబీ ఇచ్చింది. కొన్ని ముఖ్యమైన వెబ్ సైట్లు 3.25 రేటింగులు కూడా ఇచ్చాయి.
ఆ ప్రకారం చూస్తే ఈ సినిమా ఎబౌ యావరేజ్ టాక్ తెచ్చుకునే అవకాశం ఉంది. ఫస్టాఫ్ విషయంలో కొంత ట్రిమ్ చేయగలిగితే ఈ సినిమా హిట్ స్థాయికి వెళ్లే అవకాశాలు కూడా ఉన్నాయి. పైగా స్టార్ హీరో సినిమా ఏదీ మార్కెట్లో లేకపోవడం కూడా వకీల్ సాబ్ కు కలిసి వచ్చే అంశం. ఈ వారంలో కలెక్షన్ల దూకుడు కూడా మామూలుగా ఉండదు. మనకు అందిన ప్రాథమిక సమాచారం మేరకు సినిమా యావరేజ్ మాత్రమే. మొదట డివైడ్ టాక్ వచ్చినా క్రమేపీ హిట్ రేంజ్ కి సినిమా వెళ్లే అవకాశాలు ఎక్కువగానే ఉన్నాయి.
-హేమసుందర్
Must Read ;- వకీల్సాబ్కు జగన్ సర్కార్ అడ్డంకులు!
