మెగా ప్రిన్స్ వరుణ్ తేజ్ హీరోగా కిరణ్ కొర్రపాటి దర్శకత్వంలో రూపొందుతున్న ‘గని’ చిత్రం విడుదల తేదీ వచ్చేసింది. జులై 30న ఈ సినిమాని విడుదల చేయాలని నిర్ణయించారు. ప్రముఖ బాక్సర్ మహ్మద్ అలీ జీవితం మీద అధ్యయనం చేసి ఈ సినిమాని రూపొందిస్తున్నారు. ఇందులో బాక్సర్లు ఎదుర్కొంటున్న సమస్యలను చూపించారట. ఈ జనవరి 19న ఈ సినిమాకు సంబంధించిన హీరో ఫస్ట్ లుక్ ను విడుదల చేశారు. ఇందులో మంచి బాక్సింగ్ కిక్ లుక్ తో వరుణ్ తేజ్ ఆకట్టుకున్నారు.
తాజాగా సినిమా విడుదల తేదీని అధికారికంగా ప్రకటించారు. తమ హీరో జులై 30 రింగులోకి దిగబోతున్నట్టు వెల్లడించారు. ఇందులో హీరో వరుణ్ తేజ్ తండ్రిగా ఉపేంద్ర నటిస్తున్నారు. వరుణ్ కోచ్ గా సునీల్ శెట్టి, విలన్ గా జగపతి బాబు నటిస్తున్నారు. హీరోయిన్ గా సయూ మంజ్రేకర్ నటిస్తోంది. ఆమె బాలీవుడ్ దర్శకుడు, నటుడు మహేష్ మంజ్రేకర్ కుమార్తె. ఈ సినిమాలో మరో కీలక పాత్రను నవీన్ చంద్ర పోషిస్తున్నారుడు. అల్లు అరవింద్ సమర్పణలో రూపొందుతున్న ఈ చిత్రానికి తమన్ సంగీతం సమకూరుస్తున్నారు. దీనికి నిర్మాతలు సిద్దు ముద్ద, అల్లు బాబి.
Must Read ;- పవన్ కళ్యాణ్ పాత్ర ‘గని’ పేరుతో వరుణ్ తేజ్ ఫస్ట్ లుక్
