‘ఆఫీసర్, దేవదాస్, మన్మథుడు 2’ సినిమాలతో వరుస పరాజయాలు ఎదుర్కొన్నారు అక్కినేని నాగార్జున. ప్రస్తుతం తదుపరి చిత్రాల్ని వరుసగా ట్రాక్ ఎక్కించే ప్రయత్నాలు ముమ్మరం చేశారు. ఈ నేపథ్యంలో ప్రస్తుతం హిమాలయాల్లో ఆయన తాజా చిత్రం ‘వైల్డ్ డాగ్’ సినిమాకి సంబంధించిన కొన్ని ముఖ్యమైన సన్నివేశాలు శరవేగంగా చిత్రీకరణ జరుపు కుంటున్నాయి. మ్యాట్నీ ఎంటర్ టైన్ మెంట్స్ బ్యానర్ పై నిరంజనరెడ్డి నిర్మాణంలో అహిషోర్ సాల్మన్ ఈ సినిమాను డైరెక్ట్ చేస్తున్నాడు.
హైద్రాబాద్ లో 2009 లో జరిగిన వరుస బాంబ్ పేలుళ్ళ సంఘటనపై ‘వైల్డ్ డాగ్’ సినిమా తెరకెక్కుతోంది. లాక్ డౌన్ కారణంగా బ్రేక్ పడిన ఈ సినిమా షూటింగ్.. ఇటీవలే తిరిగి ప్రారంభమైన సంగతి తెలిసిందే. హిమాలయాల్లో 21 రోజుల పాటు జరిగే లాంగ్ షెడ్యూల్ లో ప్రస్తుతం నాగ్ పై ఓ భారీ ఫైట్ చిత్రీకరణ జరుపుకుంటోంది. ఇందులో విశేషమేంటంటే.. ఈ పోరాట ఘట్టాల్ని.. బాలీవుడ్ క్రేజీ హీరో విక్కీ కౌషల్ తండ్రి కంపోజ్ చేస్తున్నాడట. ఆయన పేరు శ్యామ్ కౌషల్.
ఈ విషయాన్ని శ్యామ్ కౌషల్ సోషల్ మీడియా వేదికగా తెలియచేశాడు. మనాలిలోని రోహతంగ్ పాస్ దగ్గర.. జీరో డిగ్రీస్ కంటే తక్కువ ఉష్ణోగ్రత ఉంటుంది. దేవుడి దయవల్ల.. షూటింగ్ జరుగుతోంది. ఈ రోజు అక్కడ మంచు కురుస్తోంది’ చేసిన ఆయన ట్విట్ సోషల్ మీడియాలో వైరల్ గా మారింది. అభిమానులకు థ్రిల్లింగ్ గా అనిపిస్తోంది. మరి శ్యామ్ కౌషల్ కంపోజ్ చేసిన ఫైట్ సీక్వెన్స్ ప్రేక్షకుల్ని ఏ రేంజ్ లో థ్రిల్ చేయబోతాయో చూడాలి.
By God’s grace shooting at Rohtang Pass, Manali under sub zero temperature. Today first snowfall of the season happened. 🙏🏻🙏🏻 pic.twitter.com/ZZLTzqu93v
— Sham kaushal (@shamkaushal09) October 22, 2020
