ఇక్కడ క్రికెట్ కేవలం ఆట కాదు.. అంతకు మించి..

క్రికెట్ పుట్టింది ఇంగ్లాండ్ లోనే అయినా.. దాని మెట్టినిల్లుగా భారత్ విరాజిల్లుతోంది. ఇక్కడి శతాధిక జనులు.. క్రికెట్ నే శ్వాసిస్తారు. ప్రేమిస్తారు. క్రికెటర్లను దేవుళ్లుగా ఆరాధిస్తారు. అద్భుతంగా ఆడిన రోజు పూల వర్షం కురిపించే అభిమానులే.. బాగా ఆడని రోజు రాళ్ల దాడికి కూడా దిగిన సందర్భాలూ ఉన్నాయి. ఇక్కడ క్రికెటర్లకు ఉన్న ఆదరణ.. ప్రపంచంలో మరే దేశంలోనూ లేదు. ఆస్ట్రేలియాలో తాజాగా సాధించిన అద్భుత విజయం.. అభిమానులను ఉర్రూతలూగించింది. దీంతో.. మన క్రికెటర్లను ఆకాశానికి ఎత్తేశారు. వారు ఆస్ట్రేలియా పర్యటన ముగించుకుని ఇండియాకు రావడమే ఆలస్యం.. అభిమానుల హడావుడి మొదలైపోయింది.

పోటెత్తిన అభిమానం..

కొత్త కుర్రాడు నటరాజన్‌ను అభిమానులు పూలతో ముంచెత్తేశారు. చెన్నై ఎయిర్ పోర్టు నుంచి తన స్వగ్రామం వరకు భారీ ర్యాలీ నిర్వహించి స్వాగతించారు. ఈ ర్యాలీకి క్రికెట్ అభిమానులు పోటెత్తారు. పోలీసు బందోబస్తు మధ్య అద్భుతంగా సాగిన ర్యాలీ చూడడానికి రెండు కళ్లు చాల లేదంటే చూడండి.. నటరాజన్‌ను ఎంతగా ఆకాశానికి ఎత్తేశారో అభిమానులు.

కేవలం ఆట మాత్రమేనా.. అంతకు మించి..

చెన్నైలో నటరాజన్‌కు లభించిన ఆదరణ ఢిల్లీని తాకింది.. మాజీ ఓపెనర్ వీరేంద్ర సెహ్వాగ్ సోషల్ మీడియాలో ఎంత యాక్టివ్ గా ఉంటారో అందరికీ తెలిసిన విషయమే. అది సీరియస్ విషయమైనా.. సిల్లీ ఇష్యూ అయినా.. దానికి తన చమత్కారాన్ని జోడిస్తూ స్పందించడంలో సెహ్వాగ్ స్పెషలిస్ట్. తాజాగా నటరాజన్‌ను చెన్నైలో స్వాగతించిన తీరుకు తనదైన తీరులో సోషల్ మీడియా వేదికగా స్పందించాడు ఢిల్లీ క్రికెటర్. నటరాజన్ ఊరేగింపు వీడియోని పోస్టు చేసి సంతోషం వ్యక్తం చేశాడు. ‘భారత్ అంటే ఇది. ఇక్కడ క్రికెట్ ఒక ఆట మాత్రమే కాదు. అంతకు మించి.. సొంగ గడ్డపై అడుగుపెట్టిన నటరాజన్‌కు కనీవినీ ఎరుగని రీతిలో అభిమానులు స్వాగతం పలికారు. వాట్ ఎ స్టోరీ?’ అంటూ ట్వీట్ చేశాడు.

Must Read ;- క్రికెట్ ప్రేమికులకు చేదు వార్త.. భారత్‌-పాక్‌ సమరం అనుమానమే!

Swagat nahi karoge ?
This is India. Here cricket is not just a game. It is so much more. Natarajan getting a grand welcome upon his arrival at his Chinnappampatti village in Salem district. What an incredible story.#Cricket pic.twitter.com/hjZ7kReCub

— Virrender Sehwag (@virendersehwag) January 21, 2021