‘నిద్రా’సనాలు..!

నిద్రలేమి.. ప్రపంచాన్ని పట్టి పీడిస్తున్న అతి భయంకరమైన సమస్య. కాలంతో పరుగులు పెడుతున్న ఈ తరాన్ని తీవ్రంగా వేధిస్తున్న సమస్య. నిద్రపోవడాన్ని ఓ ‘టైం వేస్ట్‌’ పనిగా, దాన్ని అతిగా నిర్లక్ష్యం చేస్తోంది నేటి తరం. నిద్రలేమిని చాలా చిన్న సమస్యగా చూస్తుంటారు చాలా మంది. కానీ, దాని వల్ల ఎదురయ్యే సమస్యలు మాత్రం చాలా పెద్దవిగా ఉంటాయి. నిద్రలేమి వల్ల ఒత్తిడి పెరుగుతుంది, ప్రతి చిన్న విషయానికీ చిరాకు పడుతుంటారు. బరువు పెరగడం, నిస్తేజంగా ఉండడం, నిరాసక్తంగా ఉండిపోవడం.. ఇలాంటి సమస్యలకు మూలం ఈ నిద్రలేమే! ఈ సమస్యలన్నింటికీ పరిష్కారం ఒక్కటే.. హాయిగా నిద్రపోవడం. కానీ.. నిద్ర రావడం లేదే.. ఎలా అంటారా? అయితే ఒకసారి ఈ ఆసనాలను వేసి చూడండి.. నిద్ర దానంతట అదే వచ్చేస్తుంది. మరి ఆ నిద్రాసనాలేంటో.. వాటిని ఎలా వేయాలో ఓ సారి చూద్దామా..

Must Read ;- నిద్రించే సమయంలో సాక్సులు ధరించడం వల్ల ప్రయోజనాలేమిటి?

1.బుద్ధ కోణాసనం (బౌండ్ యాంగిల్ పోజ్)

• ముందు నేలపై యోగా మ్యాట్ లేదా బెడ్ షీట్ లాంటిది పరచుకోవాలి.
  దానిపై సౌకర్యవంతంగా వెల్లకిలా పడుకోవాలి.
• ఇప్పుడు మెల్లగా చేతులు తలపై నుండి పోనిచ్చి.. నేరుగా పైకి చాపి నమస్కారం పెట్టినట్లుగా ఉంచాలి.
  మోకాళ్లను వంచి.. పాదాలతో నమస్కారం చేస్తున్నట్లుగా పోజ్ పెట్టాలి. అంటే రెండు అరికాళ్లు ఒకటికొకటి పూర్తిగా ఆనాలి. చేతులతో ఎలా నమస్కారం చేస్తామో.. అలా కాళ్లతో చేసిన పోజ్ పెట్టాలి.
• ఇప్పుడు ఈ ఆసనాన్ని ఎంత సేపు వీలైతే, అంతసేపు అలా ఉంచాలి. తిరిగి మళ్లీ మామూలు స్థితికి రావాలి. ఇలా 5-10 సార్లు చేయాలి.
• Also Read ;- పొట్ట తగ్గాలా? అయితే ఆహారంలో ఈ మార్పులు తప్పనిసరి!

2.విపరీత కరణి ఆసనం

• గోడకు వ్యతిరేక దిశలో నేలపై వెల్లకిలా పడుకోవాలి.
• కాళ్లను నడుము వరకు మెల్లగా పైకి లేపి గోడకు ఆన్చాలి. ఆసనం వేసిన తర్వాత మీ పొజిషన్ ‘L’ ఆకారంలో ఉండాలి.
• ఇప్పుడు చేతులను పక్కకు పెట్టి రిలాక్స్ అవ్వాలి. మెల్లగా కాళ్లను ముడుస్తూ.. మోకాళ్లు ఎద భాగాన్ని తాకే విధంగా చేయాలి. అలా కొన్ని సెకన్లు ఉన్న తర్వాత తిరిగి కాళ్లను పెకెత్తి గోడకు ఆన్చాలి.
• ఇలా 5-10 సార్లు చేయండి. అంతకంటే ఎక్కువ చేయగలం అనుకున్నవారు చేయచ్చు.

Also Read ;- వీటిని తింటే.. కొవ్వు ఇట్టే కరిగిపోతుంది..

3.బాలాసనం (చైల్డ్ పోజ్)

• మోకాళ్లపై కూర్చుని.. పిరుదులు అరికాళ్లను తాకే విధంగా కూర్చోవాలి (వజ్రాసనం).
• ఇప్పుడు మెల్లగా నడుముపై భాగాన్ని ముందుకు వంచాలి. ఎదభాగం మోకాళ్లను తాకాలి.. తల నేలను తాకాలి.. ఇక చేతులను నేరుగా ముందుకు చాపి నమస్కారం లేదా రెండు అరచేతులు నేలకు ఆన్చే విధంగా కూడా ఉండచ్చు.
• ఈ ఆసనంలో మీరు ఎంతసేపు ఉండగలిగితే అంత సేపు ఉండాలి. ఇది నిద్రలేమికే కాదు.. పొట్ట తగ్గడానికి కూడా ఉపయోగపడుతుంది.

Also Read ;- 28 రోజులు.. 5 వ్యాయామాలు.. చూడచక్కని బాడీషేప్ మీ సొంతం!

4. శవాసనం

• దీనంత సులభమైన ఆసనం మరొకటి ఉండదు అనుకుంటున్నారా.. కానీ, ఇది చేయాలంటే.. శరీరంతో పాటు.. మెదడు కూడా సహకరించాలి.
• ముందుగా మ్యాట్పై రిలాక్స్గా పడుకోవాలి. అంటే నిద్రించే సమయంలో ఎలా మన శరీర భాగాలు ఏ స్థితిలో ఉంటాయో.. అలాగన్న మాట.
• కాళ్లు రెండూ కాస్త దూరంగా ఉంచాలి. చేతులు కూడా శరీరంపై కాకుండా నేలపై పక్కన ఉంచాలి. ఊపిరి పీల్చుతూ.. వదులుతూ.. ఉండాలి. అలాగే ఎలాంటి ఆలోచనలూ రాకుండా ఉండడానికి ప్రయత్నించాలి.
• ఇలా ఓ 10 నిమిషాలపాటు ఉండగలగాలి.

Also Read ;- డైట్ వర్సస్ వ్యాయామం? బరువు తగ్గేందుకు ఉత్తమమైన మార్గం ఏది?

5. ఉచ్ఛ్వాసనిశ్వాసలు

• శరీరం, మెదడు ప్రశాంతంగా ఉండడానికి ఉచ్ఛ్వాసనిశ్వాసలు ఎంతో ఉపకరిస్తాయి.
• ఇందుకోసం ముక్కులోకి ఓ రంధ్రం గుండా గాలి పీల్చుకుని మరో రంధ్రం గుండా గాలి వదలడం అలవాటు చేసుకోవాలి.
• ముందుగా కుడి చేతి బొటనవేలితో ఓ ముక్కు రంధ్రాన్ని మూసివేయాలి. తెరచి ఉన్న ముక్కు రంధ్రం గుండా గుండెల నిండా గాలి పీల్చుకోవాలి.
• గాలి పీల్చుకున్న రంధ్రాన్ని చిటికెన వేలుతో మూసి, వెంటనే బొటనవేలిని తెరచి మెల్లగా గాలిని వదలాలి.
• ఇలా ఓ 5-10 సార్లు.. ఆపై పెంచుకుంటూ పోవాలి. దీని వల్ల శరీరం ఎంతో ఉత్సాహంగా ఉండడంతోపాటు.. మెదడుకి రక్తప్రసరణ కరెక్టుగా జరుగుతుంది. అందువల్ల మెదడు కూడా చాలా ప్రశాంతంగా ఉంటుందంటున్నారు నిపుణులు.

Also Read ;- 28 రోజులు.. 5 వ్యాయామాలు.. చూడచక్కని బాడీషేప్ మీ సొంతం!

చూశారుగా.. ఉన్నచోట నుంచే కదలకుండా చేసే ఈ ఆసనాల వల్ల వ్యాయామశాలలకు పరిగెత్తాల్సిన పనిలేదు. పైగా ఇవి కష్టతరమైనవి కూడా కాదు. కాబట్టి.. ప్రతిరోజూ చేయడం వల్ల మీరు హాయిగా నిద్ర పోవచ్చు.