తమిళ హీరో అజిత్ షూటింగులో గాయపడ్డారు. అయితే ఆయనకు పెద్దగా గాయాలు ఏమీ కాలేదు. షూటింగు జరుగుతుండగా యాక్సిడెంట్ జరిగింది. చిన్న గాయాలేనని తెలియడంతో అజిత్ అభిమానులు ఊపిరిపీల్చుకున్నారు. ప్రస్తుతం అజిత్ వినోద్ దర్శకత్వంలో వలిమై సినిమా చేస్తున్నాడు. ఈ సినిమా తాజా షెడ్యూల్ ఇటీవలే హైదరాబాద్ లో ప్రారంభమైంది. బైక్ పై విన్యాసాలు చిత్రీకరిస్తుండగా ప్రమాదం సంభవించింది. ఇదే సినిమా షూటింగ్ జరుగుతున్నప్పుడు గత ఫిబ్రవరిలో ఒకసారి ఆయన గాయపడ్డాడు.
Also Read:-వరుస బాంబు బెదిరింపులతో తమిళ హీరోల కలవరం
ఈ సినిమాలో పోలీస్ ఆఫీసర్ పాత్రను అజిత్ పోషిస్తున్నాడు. ఈరోజు ఓ స్కిట్ ను షూటింగ్ చేస్తున్నారు. బైక్ స్కిడ్ అయి కిందపడిపోయింది. అజిత్ కూడా కిందపడిపోయాడు. స్వల్పంగానే గాయాలయ్యాయి. ముఖ్యంగా చేతులు, కాళ్లకు గాయాలైనట్టు తెలుస్తోంది. ఓ ఆస్పత్రిలో అజిత్ చికిత్స పొందుతున్నారు. ఆయన కోలుకోవడానికి కొంత సమయం పట్టే అవకాశం ఉంది. దీంతో ఈ సినిమా షూటింగ్ కొద్దిగా వాయిదా పడే అవకాశం ఉంది.
