ఏజెంట్ ఆత్రేయ పారితోషికం అంత పెంచేశాడా?

రీసెంట్ గా విడుదలైన ‘జాతిరత్నాలు’ సినిమా కలెక్షన్స్ సునామీ సృష్టిస్తూ.. టాలీవుడ్ బాక్సాఫీస్ వద్ద విరుచుకుపడుతోంది. నవీన్ పోలిశెట్టి, ప్రియదర్శి, రాహుల్ రామకృష్ణ పండించిన కామెడీ కి ఉభయ రాష్ట్రాల ప్రేక్షకులు పడి పడి నవ్వుతున్నారు. ఈ సినిమా థియేటర్స్ వద్ద ఇంకా తన ప్రతాపం చూపిస్తోంది. ఇప్పటికి రూ. 25కోట్ల పైగానే షేర్ వసూలు చేసింది ఈ సినిమా. ఇక ఈ మూవీ పై టాలీవుడ్ సెలెబ్రిటీస్ ప్రసంశలు కురిపిస్తున్నారు. ముఖ్యంగా ఈ సినిమా సక్సెస్ కు మూల స్థంభంగా నిలిచిన నవీన్ పోలిశెట్టి కామెడీ టైమింగ్ కు ఫిదా అవుతున్నారు.

ఇక ఈ సినిమా తెచ్చిపెట్టిన సూపర్ సక్సెస్ తో.. మన ఏజెంట్ ఆత్రేయ.. తన పారితోషికాన్ని ఓ రేంజ్ లో పెంచేశాడని చెప్పుకుంటున్నారు. తాజా సమాచారం ప్రకారం నవీన్ కమిట్ అయిన కొత్త చిత్రానికి రూ. 2కోట్లు రెమ్యునరేషన్ డిమాండ్ చేస్తున్నాడట. రారా కృష్ణయ్య ఫేమ్ మహేశ్ పి. ఈ సినిమాకి దర్శకుడు. అనుష్క శెట్టి  కథానాయిక. ఓకుర్రోడికి, మధ్య వయస్కురాలైన ఓ స్త్రీకి మధ్య ప్రణయమే ఈ సినిమా కథాంశం.

యూవీ క్రియేషన్స్ బ్యానర్ పై నిర్మాణం జరుపుకోబోతున్న ఈ సినిమాకి.. నిజానికి నవీన్ .. జాతిరత్నాలు సినిమా కన్నా ముందే కమిట్ అయ్యాడట.  ఆ సినిమా సూపర్ హిట్టవ్వడంతో ఇందులోని నవీన్ సన్నివేశాల నిడివిని కూడా పెంచుతున్నారట. అలాగే.. అతడు డిమాండ్ చేసిన పారితోషికాన్ని ఇవ్వడానికి అంగీకరించారట.  అనుష్క శెట్టి లాంటి స్టార్ హీరోయిన్ సరసన నటించే అవకాశాన్ని అందుకున్న నవీన్..  ఈ మూవీతో ఏ రేంజ్ లో స్టార్ డమ్ పెంచుకుంటాడో చూడాలి.

 Must Read ;- ‘జాతిరత్నాలు’ దర్శకుడితో ‘ఉప్పెన’ హీరో?