నేచురల్ స్టార్ నానీ.. లాస్టియర్ ‘వి’ సినిమాతో ఓటీటీ వేదిక గా ప్రేక్షకుల్ని పలకరించాడు. ఈ సినిమా రిజల్ట్ అతడ్ని బాగా నిరాశపరిచింది. అందుకే ఈ ఏడాది నానీ వరుస గా తన సినిమాల్ని ట్రాక్ ఎక్కిస్తూ దూసుకుపోతున్నాడు. నానీ పుట్టిన రోజు సందర్భంగా.. నిన్ననే ‘టక్ జగదీష్’ టీజర్ ను విడుదల చేశారు మేకర్స్ . ఇక ఈ రోజు మరో షాకింగ్ సర్ ప్రైజ్ ఇచ్చాడు. అతడి మరో సినిమా శ్యామ్ సింగరాయ్ ఫస్ట్ లుక్ విడుదలైంది.
టాక్సీవాలా ఫేమ్ రాహుల్ సాంకృత్యాయన్ దర్శకత్వంలో తెరకెక్కుతోన్న శ్యామ్ సింగరాయ్ సినిమా నానీ కెరీర్ లోనే చాలా వైవిధ్యమైనది. పీరియాడికల్ డ్రామాగా తెరకెక్కుతోన్న ఈ సినిమాలో నానీ మూడు డిఫరెంట్ పాత్రలతో అభిమానుల్ని అలరించబోతున్నాడు. ఈ సినిమా కథ కోల్ కత్తా బ్యాక్ డ్రాప్ లో సాగుతుంది. అందుకేనేమో అచ్చ బెంగాలీ బాబులా నానీ ఫస్ట్ లుక్ పోస్టర్ మీద దర్శనమిచ్చాడు.
క్లీన్ షేవ్ తో కోరమీసంతో పోస్టర్ లో రివీలైన నానీని.. వెనుక నుంచి ఓ అందాల భామ వాటేసుకోవడం అందరినీ ఆకట్టుకుంటోంది. కానీ ఆ బ్యూటీ ఎవరో అందులో రివీల్ కాలేదు. ఆ పక్కనే బెంగాల్లో మాత్రమే కనిపించే లాగుడు రిక్షా ఒకటి కనిపిస్తుంది. టోటల్ గా నానీ పుట్టిన రోజు సందర్భంగా విడుదలైన ‘శ్యామ్ సింగరాయ్’ పోస్టర్ ప్రస్తుతం సోషల్ మీడియాలో వైరల్ గా మారింది. మరి ఈ సినిమా నానీ కి ఏ రేంజ్ ఇమేజ్ తెచ్చిపెడుతుందో చూడాలి.
Must Read ;- నాని సినిమా సెట్ కోసం అంత ఖర్చు పెడుతున్నారా.?
