పవర్ స్టార్ పవన్ కళ్యాణ్ .. ప్రస్తుతం నటిస్తున్న సినిమాలన్నీ ఒక ఎత్తు. క్రిష్ దర్శకత్వంలోని ‘హరిహర వీరమల్లు’ ఒక్కటీ ఒకెత్తు. వకీల్ సాబ్, అయ్యప్పనుమ్ కోషియుమ్ రీమేక్, హరీశ్ శంకర్ సినిమాలన్నీ సాంఘికమైతే.. ‘హరిహర వీరమల్లు’ చిత్రం మాత్రం జానపదం . ఎందుకంటే.. చారిత్రక కల్పన కలిగిన ఈ సినిమా ఒకప్పుడు యన్టీఆర్ నటించిన ‘ఆలీ బాబా 40 దొంగలు, బాగ్దాద్ గజదొంగ’ సినిమాల కోవకు చెందుతుంది.
మొఘలాయిల కాలానికి చెందిన వీరమల్లు అనే ఒక బందిపోటు దొంగ .. అప్పటి పేద ప్రజలకు అండగా నిలబడి.. ఆ పాలకుల మీద తిరుగుబాటు చేస్తాడు. ముఖ్యంగా ఈ సినిమా కథ కోహినూర్ వజ్రం చుట్టూ తిరుగుతుందని తెలుస్తోంది. ఇక ఈ సినిమా ప్రస్తుతం హైద్రాబాద్ లో వేసిన అద్భుతమైన సెట్స్ లో చిత్రీకరణ జరుపుకుంటోంది. ప్రస్తుతం పవన్ కళ్యాణ్ మినహా .. మిగతా కేస్టింగ్ తో చార్మినార్ సెట్ వద్ద షూటింగ్ జరుపుతున్నారట. ఈ నెల 27 నుంచి ఈ సినిమా షూటింగ్ లో పవన్ జాయిన్ అవుతారట.
పవర్ స్టార్ పాల్గొనే పది రోజుల షూటింగ్ లో భారీ ఎత్తున యాక్షన్ సన్నివేశాల్ని చిత్రీకరించబోతున్నట్టు తెలుస్తోంది. ఇందులో దాదాపు 100 మంది శిక్షణ పొందిన ముంబై ఫైటర్స్ తో పవన్ తలపడతాడట. ఇప్పటికే వారిపై చిత్రీకరణ జరుగుతోందట. పవన్ కళ్యాణ్ వచ్చాకా.. అది భారీ పోరాటం కాబోతోందట. ‘హరిహర వీరమల్లు’ సినిమాకి ఇదే హైలైట్ అంటున్నారు. దాదాపు రూ. 150కోట్ల బడ్జెట్ తో రూపొందుతున్న ఈ సినిమాకి కీరవాణి సంగీతం అందిస్తున్నారు. వచ్చే ఏడాది సంక్రాంతి కానుకగా విడుదల కాబోతున్న ‘హరిహర వీరమల్లు’ ఏ రేంజ్ లో విజయం సాధిస్తుందో చూడాలి.
Must Read ;- పవర్ స్టార్ కి పెంచల దాస్ డైలాగ్స్ ?
