హరీశ్ శంకర్ కు ‘షాక్’ మూవీతో టాలీవుడ్ లో దర్శకుడిగా అవకాశమిచ్చాడు మాస్ మహారాజా రవితేజ. ఆ సినిమా డిజాస్టర్ అయినప్పటికీ.. హరీశ్ టాలెంట్ మీద నమ్మకంతో మళ్ళీ రెండో అవకాశమిచ్చాడు. ‘మిరపకాయ్’ సినిమాతో రవితేజ నమ్మకాన్ని వమ్ము చేయలేదు హరీశ్. సినిమా మంచి కలెక్షన్స్ రాబట్టి.. హరీశ్ శంకర్ కు డైరెక్టర్ గా మంచి బ్రేకిచ్చింది. ఆ తర్వాత పవర్ స్టార్ తో తీసిన ‘గబ్బర్ సింగ్’ తో హరీశ్ .. టాలీవుడ్ లో స్టార్ డైరెక్టర్ గా నిలదొక్కుకున్నాడు.
‘గబ్బర్ సింగ్’ తర్వాత తీసిన రెండు సినిమాలు నిరాశపరిచినప్పటికీ.. బన్నీ హీరోగా తీసిన దువ్వాడ జగన్నాథం.. కమర్షియల్ గా మంచి హిట్టనిపించుకుంది. ఇక వరుణ్ తేజ తో బిఫోర్ లాస్టియర్ తీసిన గద్దలకొండ గణేశ్ మూవీతో హరీశ్ శంకర్ సాలిడ్ హిట్ కొట్టాడు. ప్రస్తుతం హరీశ్ శంకర్ .. పవర్ స్టార్ తో ఒక సినిమా తెరకెక్కించబోతున్న సంగతి తెలిసిందే. ఈ సినిమా ఎప్పుడో అనౌన్స్ అయినప్పటికీ.. రెగ్యులర్ షూటింగ్ కు బాగా టైమ్ పట్టొచ్చు. ఇక ఈ సినిమా తర్వాత హరీశ్ శంకర్ .. రామ్ పోతినేనితో ఒక సినిమా చేయబోతున్నాడు. దీనికి ‘ఫ్రైడే టైమ్స్’ అనే టైటిల్ కూడా రిజిస్టర్ చేయించారు.
ఇక వీటి తర్వాత హరీశ్ .. రవితేజ తో ముచ్చటగా మూడో సినిమా తీయబోతున్నాడనే వార్తలొస్తున్నాయి. ఇటీవల రవితేజ కి హరీశ్ శంకర్ ఓ డిఫరెంట్ స్టోరీ నెరేట్ చేశాడట. రవితేజ కి కూడా ఆ కథ బాగా నచ్చిందట. పక్కా మాస్ సినిమాగా రూపొందబోయే ఈ సినిమా .. పవర్ స్టార్, రామ్ సినిమాల తర్వాత సెట్స్ మీదకు వెళుతుందని సమాచారం. మాస్ యాక్షన్ సినిమాలు తీయడంలో మంచి పట్టుసాధించిన హరీశ్ శంకర్ .. మాస్ మహారాజా తో ఏ రేంజ్ సినిమా తీస్తాడో వెయిట్ అండ్ సీ.
Must Read ;- టీజర్ టాక్ : మైండ్ గేమ్ ఆడే ‘ఖిలాడి’ గా మాస్ మహారాజా
