అల్లు అర్జున్ ‘దేశముదురు’ సినిమాతో కథానాయికగా టాలీవుడ్ లో ఎంట్రీ ఇచ్చింది అందాల హన్సిక. అందులోని ఆమె రూప లావణ్యానికి ముగ్ధులైపోయారు కుర్రకారు. తొలి చిత్రంలోనే సన్యాసినిగా నటించడం.. అందులో కూడా గ్లామర్ ను ఒలికించడం జనాన్ని బాగా ఆకట్టుకుంది. ఈ తర్వాత చాలా సినిమాల్లో నటించినప్పటికీ ఆమెకు సరైన గుర్తింపు దక్కలేదన్నది వాస్తవం. అందుకే ఆ క్యూటీ.. కోలీవుడ్ లో తన అదృష్టాన్ని పరీక్షించుకుంది. అక్కడ బాగా క్లిక్ అయింది.
రెండేళ్ళక్రితం శింబుతో ప్రేమాయణం బెడిసికొట్టడంతో.. సినిమాల పరంగా ఆమె కామ్ అయిపోయింది. దానికి తగ్గట్టుగానే అవకాశాలూ పెద్దగా రాలేదు. తిరిగి ట్రాక్ ఎక్కడానికి చాలా ట్రై చేసింది కానీ.. ఆమె స్థానాన్ని కొత్త గా వచ్చిన పలువురు కథానాయికలు కైవసం చేసుకున్నారు. ప్రస్తుతం తమిళంలో ‘మహా’ అనే థ్రిల్లర్ మూవీలో నటిస్తోంది. అలాగే.. తెలుగులో కూడా రీ ఎంట్రీ ఇవ్వడానికి ప్రయత్నాలు సాగిస్తోంది. ఇంకా హన్సిక .. మజా ఆగయా అనే ఓ పాప్ ఆల్బమ్ లో నటించింది.
ప్రస్తుతం హన్సిక .. సోషల్ మీడియాలో చాలా యాక్టివ్ గా ఉంది. తనకు సంబంధించిన ప్రతీ సందర్భాన్ని వదిలిపెట్టకుండా.. ఫోటోస్ , వీడియోస్ షేర్ చేస్తూ ఫాలోవర్స్ ను బాగా పెంచుకుంది. తాజాగా హన్సిక షేర్ చేసిన ఓ ఫోటో షూట్ ఇన్ స్టా లో వైరల్ గా మారింది. దేశముదురు పాప ఇప్పుడు ముదురు పాపే అయినా.. అందులో మాత్రం చాలా క్యూట్ గా దర్శన మిచ్చింది. ఆమె మొదటి సినిమాలో ఏ రేంజ్ లో అందంగా ఉందో ఇప్పుడు కూడా అదే తరహాలో ఆకట్టుకుంటోంది. వన్నె తరగని ఆమె లావణ్యానికి నెటిజెన్స్ ఫిదా అవుతున్నారు. దానికి తగ్గట్టుగానే తమ కామెంట్స్ తో ఆమెపై ప్రశంసల జల్లులు కురిపిస్తున్నారు.
Must Read ;- బికినీ షో తో రెచ్చగోడుతోన్న బాలీవుడ్ బ్యూటీ
