కైరా అద్వానీని చూస్తే పున్నమి వెన్నెల్లో తేలే చందమామ మనసు పొరపై మెదులుతుంది .. తేనెధారల్లో తడిసే తెల్ల గులాబీ కంటితెరపై కదులుతుంది. దాదాపు ఓ అరడజను మంది అప్సరసలకు చెందవలసిన అందాలు ఈ అమ్మాయి కాజేసిందేమోనని అనిపిస్తుంది. ముంబై పిల్ల కనుక కాస్త స్పీడ్ ఎక్కువగానే ఉంటుంది. ఆ హాటు లుక్కులను ఎదిరించి నిలబడటం అంత తేలికైన విషయం కాదు. సోషల్ మీడియాలో ఈ సొగసరి దూకుడును తట్టుకోవడమే మహా కష్టం.
తాజాగా ఈ పిల్ల వైట్ డ్రెస్ లో దిగిన ఒక ఫొటో సోషల్ మీడియాలో హల్ చల్ చేస్తోంది. వైట్ డెనిమ్ క్యాజువల్స్ ధరించిన కైరా అద్వాని ఫొటోను ఆమె స్టైలిష్ట్ లక్ష్మీ లెహర్ తన ఇన్ స్టాలో పోస్ట్ చేసింది. 28 ఏళ్ల వసంతానికి రూపం తీసుకొచ్చినట్టుగా ఈ ఫొటోలో కైరా కనిపిస్తోంది. స్క్వేర్ నెక్ లైన్ .. మధ్యలో జిప్ తో కూడిన టాప్ తో కైరా అలరిస్తోంది. ‘K’ లెటర్ తో కూడిన గోల్డ్ చైన్ .. ఇయర్ రింగ్స్ ఆమె అందానికి అదనపు సోయగాలను అద్దుతున్నాయి. ఆరంజ్ కలర్ హై హిల్స్ ఆమె దర్పానికి కొమ్ముకాస్తున్నాయి.
కైరా మత్తుకళ్ల వలన ఆ డ్రెస్ కి అందం మరింత పెరిగిందేమో అనిపించక మానదు. అందగత్తె కదా .. ఏది చేసినా అందంగానే ఉంటుంది .. ఆనందంగానే అనిపిస్తుంది .. అపురూపంగానే కనిపిస్తుంది. ఇక అదృష్టం కూడా ఆమె హ్యాండ్ బ్యాగ్ లోనే పడి ఉంటుంది కనుక, విజయాలు ఆమె చుట్టూనే తిరుగుతూ ఉంటాయి. కుర్రాళ్ల చూపులన్నీ ఆమె చుట్టూనే కందిరీగల్లా ఎగురుతుంటాయి. ప్రస్తుతం ఆమె చేతిలో మూడు హిందీ సినిమాలు ఉన్నాయి. తెలుగులో మాత్రం రెండు సినిమాలు మాత్రమే చేసి సైలెంట్ అయింది. ఈ అమ్మాయిని చూసి ముచ్చటపడే అభిమానులు మాత్రం .. మూడో సినిమా కోసం వెయిట్ చేస్తూనే ఉన్నారు.
Must Read ;- జీన్స్ లో వేడెక్కిస్తున్న కలువ భామ
View this post on Instagram
