దర్శక ధీరుడు రాజమౌళి రూపొందిస్తున్న భారీ క్రేజీ మల్టీస్టారర్ ‘ఆర్.ఆర్.ఆర్’ ప్రస్తుతం సెట్స్ మీదున్న సంగతి తెలిసిందే. యన్టీఆర్, రామ్ చరణ్ తొలి సారిగా స్ర్కీన్ షేర్ చేసుకుంటోన్న ఈ సినిమా మీద భారీ అంచనాలున్నాయి. ఇంతకు ముందు విడుదలైన తారక్, చెర్రీ బర్త్ డే టీజర్స్, ఇటీవల విడుదలైన ఆలియా భట్ సీత లుక్, అజయ్ దేవ్ గణ్ లుక్ తో కూడిన మోషన్ పోస్టర్ .. అభిమానుల్ని ఓ రేంజ్ లో అలరించాయి. ఇప్పుడు ఈ సినిమాకి సంబంధించిన మ్యూజిక్ అప్టేట్ ఒకటి వచ్చింది.
రాజమౌళి సినిమాలకు ప్రాణంగా నిలిచేది కీరవాణి సంగీతం, నేపథ్య సంగీతమేనని అందరికీ తెలిసిన విషయమే. ఈ క్రమంలో ఇందులోని సంగీతం ఎలా ఉండబోతుంది అనే విషయంలోనూ అభిమానుల్లో ఆసక్తి నెలకొంది. ఆల్రెడీ కీరవాణి ఈ సినిమాలో సంగీతం ఇరగదీసేశాడని .. తారక్, చెర్రీల బర్త్ డే టీజర్స్ తో రుజువై పోయింది. అందులోని నేపథ్య సంతానికి ఫ్యాన్స్ ఫిదా అయిపోయారు. ఇప్పుడు మళ్ళీ ఈ సినిమా సంగీతానికి సంబంధించిన అప్డేట్ ఇచ్చారు రాజమౌళి, కీరవాణి.
ప్రస్తుతం ఆర్.ఆర్.ఆర్ షూటింగ్ కు స్వల్ప విరామం తీసుకున్న రాజమౌళి .. ఈ గ్యాప్ లో ఆర్.ఆర్.ఆర్ మూవీ పోస్ట్ ప్రొడక్షన్ పనుల్ని కూడా పూర్తి చేస్తున్నారు. తాజాగా యువ గాయకుడు విశాల్ మిశ్రా ట్విట్టర్ లో ఓ పోస్ట్ పెట్టాడు. అందులో జక్కన్న, కీరవాణిలతో సెల్ఫీ దిగిన అతడు.. ఈరోజు మేం స్టూడియో లో మ్యాజిక్ చేశాం. త్వరలోనే ఆర్.ఆర్.ఆర్ వస్తుంది అని ట్వీట్ చేశాడు. సో.. దీంతో ప్రస్తుతం ఆర్.ఆర్.ఆర్ మూవీకి సంబంధించిన రీరికార్డింగ్, రికార్డింగ్ పనులు జరుగుతున్నాయని అర్ధమవుతోంది. మరి అక్టోబర్ 13న విడుదల కాబోతున్న ఈ సినిమాలో సంగీతం ఏ రేంజ్ లో ఉండబోతుందో చూడాలి.
Must Read ;- ‘ఆర్.ఆర్.ఆర్’ స్పెషల్ లుక్ : స్వాతంత్ర్య సమరసేనాని గా అజయ్ దేవ్ గణ్
We made magic today at the studio 🎶 R.R.R coming soon ❤️ @ssrajamouli @RRRMovie #mmkeeravani #vishalmishra #bestcompany pic.twitter.com/ENU5Mwvoo0
— Vishal Mishra (@VishalMMishra) April 10, 2021