మార్వెల్ సినిమాలంటే ఉండే క్రేజే వేరు. అలాంటి మార్వెల్ సంస్థ మళ్లీ జనం మీదికి ‘స్పైడర్ మ్యాన్ నో వే హోమ్’ను వదులుతోంది. హాలీవుడ్ సినిమాకి తెలుగు సినిమాతో పోటీ ఏమిటి అనుకోవచ్చు. ఆ సినిమాని హిందీతో పాటు ఇతర ప్రాంతీయ భాషల్లోకి అనువదించి విడుదల చేస్తున్నారు. ఈ సినిమా పోటీ పడేది ఎవరితోనో కాదు పాన్ ఇండియా సినిమా ‘పుష్ప’తో. డిసెంబరు 17న పుష్ప విడుదలవుతున్న సంగతి తెలిసిందే. అదో రోజు స్పైడర్ మ్యాన్ కూడా విడుదలవుతోంది. అయితే ఇండియాలో ఈ సినిమా డిసెంబరు 16నే విడుదలవుతోంది.
ఈ చిత్రాన్ని ఇండియాలో విడుదల చేస్తున్న సోనీ ఎంటరైటైన్ మెంట్స్ ఒకరోజు ముందుగానే ఇండియాలో రిలీజ్ చేయాలని నిర్ణయించింది. హిందీ, తెలుగు, తమిళంలోనూ ఈ సినిమాని విడుదల చేస్తున్నారు. అంటే అమెరికాలో ఈ సినిమా విడుదలకు ముందే రివ్యూలు వచ్చేస్తాయి. ఈ సినిమా కొత్త పోస్టర్ కూడా విడుదలైంది. పోస్టర్ లో స్పైడర్ మ్యాన్ తో పాటు డాక్టర్ స్ట్రేంజ్ కూడా కనిపిస్తున్నాడు.
పైగా ఈ సినిమా మీద మంచి హైప్ ఉంది. మార్కెల్ అభిమానులు ఈ సినిమా కోసం ఎదురుచూస్తున్నారు. దీని టిక్కెట్లు కూడా అందుబాటులోకి వచ్చేశాయి. ఆన్ లైన్ లో టిక్కెట్ల అమ్మకాలు ప్రారంభించడంతో ఆ వెబ్ సైట్లు క్రాష్ అయ్యాయి. ఈ ఏడాది అతి పెద్ద థియేట్రికల్ రిలీజ్ ఈ హాలీవుడ్ చిత్రమేననాలి. మొదటి వారంలో దేశీయంగా 180 మిలియన్ డాలర్లు వసూలు చేస్తుందని అంచనా వేస్తున్నారు. ఇంతకుముందు వచ్చిన స్పైడీ ప్రాజెక్ట్ల నుంచి మొత్తం ఐదుగురు సూపర్ హీరో విలన్లు, డాక్టర్ ఆక్టోపస్, ఎలక్ట్రో, లిజార్డ్, శాండ్మ్యాన్, గ్రీన్ గోబ్లిన్లను చూసేందుకు అభిమానులు తహతహలాడుతున్నారు.
రెండో ట్రైలర్ ఇప్పటికే హైప్ని బాగా పెంచేసింది. ఇండియాలో మాత్రం ఇంకా టిక్కెట్లు అందుబాటులోకి రాలేదు. ఆస్ట్రేలియాలో మాత్రం ఆన్ లైన్ టిక్కెట్ల వెబ్ సైట్స్ క్రాష్ అయ్యాయి. అమెరికాలోనూ అదే పరిస్థితి ఉంది. పుష్ప చిత్రం ఈ తాకిడిని ఎలా తట్టుకుంటుందో చూడాలి. పుష్ప సినిమా విడుదలను డిసెంబరు 24కు మారాలన్న వార్త కూడా వచ్చింది. బహుశా అందుకే కావచ్చు. ఒకవేళ తమకు ఇది ఎంతమాత్రమూ పోటీ కాదనుకున్న తర్వాతే డిసెంబరు 17కే రావాలని నిర్ణయించుకున్నారు. కాబట్టి స్పైడర్ మ్యాన్ విషయంలో వెనక్కి తగ్గేదే లే అని అల్లు అర్జున్ భావిస్తున్నారు. చూడాలి ఏం జరుగుతుందో.
Must Read ;- ‘తగ్గేదేలే’ అంటూనే తగ్గిన ‘పుష్ప’రాజ్
