యంగ్ టైగర్ యన్టీఆర్ గత రెండు వారాలుగా కోవిడ్ కారణంగా హోమ్ క్వారంటైన్ లో ఉన్న సంగతి తెలిసిందే. తనకి కోవిడ్ పాజిటివ్ వచ్చిందని తెలిసిన దగ్గర నుంచి అభిమానుల్లోనూ యన్టీఆర్ శ్రేయోభిలాషుల్లోనూ, అలాగే.. టాలీవుడ్ పరిశ్రమ వర్గాల్లోనూ ఆందోళన మొదలైంది. స్టార్ హీరోల దగ్గర నుంచి, మీడియమ్ రేంజ్ హీరోల వరకూ ఆయన శ్రేయస్సును కోరుకుంటూ సోషల్ మీడియాలో పోస్టులు పెట్టారు. మెగాస్టార్ చిరంజీవి సైతం తారక్ కి ఫోన్ చేసి ఆరోగ్య పరిస్థితిని ఎంక్వైరీ చేశారు. అలాగే తమిళ నటీమణి ఖుష్బూ సైతం యన్టీఆర్ తిరిగి కోలుకోవాలని ట్వీట్ చేసింది.
అందరి ఆశీస్సుల ఫలమో ఏమో కానీ.. తారక్ ఈ రోజు తన అభిమానులకు తీపి కబురు చెప్పాడు. తనకి కోవిడ్ నెగెటివ్ వచ్చినట్టు గా ట్విట్టర్ వేదికగా తెలియచేశాడు. దాంతో అభిమానులు ఊపిరి పీల్చుకుంటున్నారు. ఈ సంతోష వార్తకు తమ సంతోషాన్ని వ్యక్తం చేస్తున్నారు.
తాను త్వరగా కోలుకోవాలని ప్రార్ధించిన అభిమానులకు, శ్రేయోభిలాషులకు తారక్ ధన్యవాదాలు తెలిపాడు. అలాగే తనకి వైద్యం అందించిన డాక్టర్స్ కు పేరు పేరునా కృతజ్ఞతలు తెలియచేశాడు. అంతేకాదు కరోనా బారిన పడకుండా ప్రతి ఒక్కరూ జాగ్రత్తలు తీసుకోవాలని సూచించాడు. కరోనా ప్రాణాంతక వ్యాధి కాదని, మంచి వైద్యం, ఆహారం తీసుకుంటూ జాగ్రత్తలు పాటిస్తే… కరోనా నుంచి బైట పడొచ్చని తెలిపాడు.
Must Read ;- అభిమానులకు యంగ్ టైగర్ విన్నపం
Happy to state that I've tested negative for Covid 19. Thank you everyone for all the wishes 🙏🏻
I'd like to take this opportunity to thank my doctors -Dr Praveen Kulkarni & my cousin Dr Veeru from KIMS Hospitals,as well as Tenet Diagnostics. Their excellent care helped me a lot
— Jr NTR (@tarak9999) May 25, 2021
