యంగ్ హీరో గోపీచంద్ , కామెడీ ఎంటర్ టైనర్స్ తీయడంలో సిద్ధహస్తుడైన మారుతి కలయికలో వస్తోన్న యాక్షన్ ఎంటర్ టైనర్ ‘పక్కా కమర్షియల్’. ఇందులో గోపీ లాయర్ గా నటించబోతున్నాడని ఇదివరకే వార్తలొచ్చాయి. ఇక ఈ సినిమాలో హీరోయిన్ గా అందాల రాశీఖన్నా నటిస్తుండగా.. ఇందులో ఆమె పాత్ర సీరియల్ స్టారట. మారుతి ఎర్లియర్ మూవీ ప్రతి రోజూ పండగే లో రాశీ ఖన్నాను టిక్ టాక్ స్టార్ గా నటించగా.. ఇందులో సీరియల్ స్టార్ గా చేస్తుండడం ఆసక్తిని కలిగిస్తోంది. సీరియల్ స్టార్సంటే.. ఒక డైలాగ్ చెబితే .. వంద షాట్స్ తో విత్ ఎక్స్ ప్రెషన్స్ తో వారికి బిల్డప్ లిస్తారు. అచ్చం అలాగే.. ఇందులో రాశీఖన్నా డైలాగ్ డెలివరీ ఫన్నీగా ఉంటుందట.
గోపీచంద్ , రాశీ ఖన్నా గతంలో ‘జిల్’ మూవీలో కలిసి నటించారు. ఆ సినిమా పర్వాలేదని పించుకుంది. అందులో వారిద్దరి మధ్య వచ్చే సీన్స్ ప్రేక్షకుల్ని భలేగా ఎంటర్ టైన్ చేశాయి. పక్కా కమర్షియల్ లో కూడా ఆ ఇద్దరి మధ్యా సీన్స్ చాలా ఫన్నీగా ఉంటాయని అంటున్నారు. అలాగే…ఇందులో గోపీ పాత్ర పక్కా కమర్షియల్ గా ఉంటుందట. దేన్నైనా డబ్బుతోనే ముడిపెడుతుంటాడట. ఆ క్రమంలో అతడికి కొన్ని సమస్యలు కూడా ఎదురవుతాయట. ఇక ఈ సినిమా అక్టోబర్ లో విడుదల కాబోతోంది. మరి ఈ సినిమాలో సీరియల్ స్టార్ గా నటిస్తోన్న రాశీకి ఎలాంటి పేరు వస్తుందో చూడాలి.
Must Read ;- టైమ్ వస్తే చెలరేగిపోవల్సిందేనంటున్న అందాలరాశి
