నేచురల్ స్టార్ నానీ హీరోగా.. రీతూ వర్మ, ఐశ్వర్యా రాజేశ్ కథానాయికలు గా నటిస్తోన్న యాక్షన్ అండ్ ఫ్యామిలీ ఎంటర్ టైనర్ ‘టక్ జగదీష్’. ‘నిన్నుకోరి, మజిలీ’ చిత్రాలతో ప్రేక్షకుల్ని ఎమోషనల్ గా కట్టిపడేసిన శివ నిర్వాణ ఈ సినిమాకి దర్శకుడు. షైన్ స్ర్కీన్ బ్యానర్ పై సాహు గారపాటి, హరీశ్ పెద్ది సంయుక్తంగా నిర్మిస్తోన్న ఈ సినిమాలో నానీ అన్నగా జగపతిబాబు, తండ్రిగా నాజర్ నటిస్తున్నారు. ఇంకా డేనియల్ బాలాజీ విలన్ గా నటిస్తున్నాడు.
ఏప్రిల్ 23న విడుదల కాబోతున్న ‘టక్ జగదీష్’ సినిమాకి సంబంధించిన ప్రచార కార్యక్రమాల్ని మొదలు పెట్టారు మేకర్స్. నేడు రీతూ వర్మ పుట్టిన రోజు. ఈ సందర్బంగా ఆమెకు శుభాకాంక్షలు తెలుపుతూ.. టక్ జగదీష్ లో ఆమె పాత్రను ఓ పోస్టర్ రూపంలో విడుదల చేశారు. ఇందులో గుమ్మడి వరలక్ష్మి గా రీతూ వర్మ నటిస్తోంది. బందిపోటు నాయకురాలిని పోలిన గెటప్ లో నుదుటన పెద్ద నిలువు బొట్టు, నల్లని దుస్తులు.. చేతిలో రాగి కడియం తో రివీలైంది రీతూ. కాగా జగదీష్ నాయుడితో ఆమె ప్రేమలో ఎలా పడుతుంది అనే అంశాన్ని చాలా ఆసక్తికరంగా తీర్చిదిద్దాడట దర్శకుడు. మరి ఇందులో ఆమెపాత్ర ఎలా ఉండబోతుందో తెలియాలంటే.. వచ్చే నెల 23 వరకూ ఆగాల్సిందే.
Must Read ;- ఫస్ట్ లుక్ : ‘శ్యామ్ సింగరాయ్’ గా అదరగొట్టిన నానీ
