Arun Kumar Dasari :
దాసరి నారాయణరావు పేరును ప్రస్తావించకుండా తెలుసు సినిమాను గురించి చెప్పుకోలేం. ఎన్నో విజయవంతమైన సినిమాలు ఆయన ఖాతాలో కనిపిస్తాయి. రచయితగా .. దర్శకుడిగా … నటుడిగా .. నిర్మాతగా ఆయన విజృంభించారు. ఎంతోమంది కొత్త నటీనటులను ఆయన పరిచయం చేశారు. మరెంతో మంది కెరియర్ కి బ్రేక్ ఇచ్చారు. అలాంటి దాసరి నారాయణరావు తన తనయుడు అరుణ్ కుమార్ ను కూడా ‘గ్రీకు వీరుడు’ సినిమాతో హీరోగా పరిచయం చేశారు.
పరిస్థితులు అనుకూలించక పోవడం వలన ఆ సినిమా ఆశించినస్థాయిలో ఆదరణ పొందలేకపోయింది. అరుణ్ కుమార్ మంచి ఒడ్డూ పొడుగు ఉన్నాడు. డాన్స్ .. ఫైట్స్ ఓకే, నటన పరంగా కాస్త కష్టపడితే దార్లో పడిపోతాడని చెప్పుకున్నారు. ఆ తరువాత ఆయన ‘చిన్నా‘ .. ‘ఒరేయ్ తమ్ముడు’ .. ‘ఆదివిష్ణు’ వంటి సినిమాలు చేసుకుంటూ వెళ్లాడు. అయితే అవేవీ కూడా ఆయన కెరియర్ కి హెల్ప్ కాలేకపోయాయి. ఆరంభంలో ఆశించిన ఫలితాలు రాకపోవడంతో, ఇక ఆయన సినిమాలపై పెద్దగా దృష్టిపెట్టలేదు.
అలాంటి అరుణ్ కుమార్ ఈ మధ్య కాలంలో మళ్లీ సినిమాల పట్ల ఆసక్తిని చూపుతున్నట్టుగా అర్థమవుతోంది. ఒక్కో సినిమాను ఒప్పుకుంటూ వెళుతున్నాడు. ‘శైలజా రెడ్డి అల్లుడు‘ .. ‘వెంకీమామ‘ సినిమాలతో ఆయన మళ్లీ ప్రేక్షకుల ముందుకు వచ్చాడు. తాజాగా ‘కిరాతక’ సినిమా కూడా చేస్తున్నాడు. వీరభద్రం దర్శకత్వంలో ఆది సాయికుమార్ హీరోగా నటిస్తున్న ఈ సినిమాలో, ఆయన ఒక కీలకమైన పాత్రను చేస్తున్నాడట. ఈ సినిమాతో ఆయన బిజీ కావడం ఖాయమనే టాక్ వినిపిస్తోంది. మరో రెండు మూడు ప్ర్రాజెక్టులలోను ఆయన పేరు వినిపిస్తోంది. చూస్తుంటే దాసరి అరుణ్ కుమార్ తన దూకుడు పెంచినట్టుగానే కనిపిస్తోంది మరి.
Must Read ;- దాసరి శకం.. తెలుగు సినిమాకు శతకం
