ప్రభాస్ బాహుబలితో పాన్ ఇండియా మూవీ చేయడం… ఆ సినిమా చరిత్ర సృష్టించడంతో.. ఆతర్వాత స్టార్ హీరోలు నుంచి యంగ్ హీరోల వరకు అందరి దృష్టి పాన్ ఇండియా మూవీ పైనే. ఆర్ఆర్ఆర్ మూవీతో ఎన్టీఆర్, చరణ్ పాన్ ఇండియా మూవీ చేస్తున్నారు. పుష్ప సినిమాతో బన్నీ పాన్ ఇండియా మూవీ చేస్తున్నాడు. లైగర్ మూవీ విజయ్ దేవరకొండ పాన్ ఇండియా మూవీ చేస్తున్నాడు.
దీంతో టాలీవుడ్ లో పాన్ ఇండియా ఫీవర్ రోజురోజుకు పెరుగుతుందని చెప్పచ్చు. ఇదిలా ఉంటే.. ఊహించని విధంగా అక్కినేని హీరో నాగచైతన్య బాలీవుడ్ లో ఎంట్రీ ఇచ్చేందుకు రెడీ అవుతున్నాడని తెలిసింది. ఇంతకీ ఏ మూవీలో అంటే.. ప్రస్తుతం సెట్స్ పై ఉన్న అమీర్ ఖాన్ రీమేక్ మూవీలో నాగచైతన్య నటించనున్నారని టాలీవుడ్ లో టాక్ వినిపిస్తుంది. అమీర్ ప్రస్తుతం హాలీవుడ్ మూవీ ఫారెస్ట్ గంప్ రీమేక్ అయిన లాల్ సింగ్ చద్దా లో నటిస్తున్నారు.
ఇందులో ఒక కీలక పాత్ర కోసం విజయ్ సేతుపతి ని ఎంపిక చేశారు. అయితే… విజయ్ సేతుపతి వేరే ప్రాజెక్ట్ లో బిజీగా ఉండడం వలన ఈ ప్రాజెక్ట్ నుంచి తప్పుకున్నాడని తెలిసింది. ఇప్పుడు ఆ ప్లేస్ ని నాగచైతన్యతో రీప్లేస్ చేయాలని అమీర్ భావిస్తున్నారట. ఈ సినిమాతో ఈ అక్కినేని హీరోకు బాలీవుడ్ లో గుర్తింపు వస్తుంది. ప్రచారంలో ఉన్నట్టుగా అమీర్ ఖాన్ తో కలిసి నటించడం నిజమైతే.. నాగచైతన్య ఇది బంపర్ ఆఫరే.
Must Read ;- అక్కినేని బ్రదర్స్ లో విన్నర్ గా నిలిచేదెవరు.?
