విశాఖ ఉక్కు కర్మాగారం ప్రైవేటీకరణ చేస్తున్నట్లగా.. కేంద్రం ప్రకటించిన క్షణం నుంచి కార్మికులు ఆందోళన బాట పట్టారు. రాష్ట్ర అధికార పార్టీ మొదలుకొని.. ప్రతిపక్షాలంతా కార్మికులకు తమ సంఘీభావం తెలుపుతున్నారు. ఒకప్పుడు విశాఖ ఉక్కు- ఆంధ్రుల హక్కు’ నినాదాన్ని మళ్లీ తెరపైకి తెచ్చి కార్మికులు పోరాటం చేస్తున్నారు. ఇలాంటి పరిస్థితుల్లో ఉత్తరాంధ్రకే చెందిన నటి కరాటే కళ్యాణి ప్రైవేటీకరణకు మద్దతివ్వడం సంచలనమైంది.
‘విశాఖ ఉక్కు- ఆంధ్రుల హక్కు’ కరెక్టే కానీ.. ప్రధాని మోడీ ఏం ఆలోచించకుండా ఇలాంటి నిర్ణయం తీసుకోరు కదా? అందరూ ప్రభుత్వానికి సంబంధించిన వస్తువులనే వాడుతున్నారా? ప్రైవేటు వస్తువులేం వాడటం లేదా? ఎయిర్ టెన్, జియో ఇవన్నీ ఏంటి మరి? ప్రైవేట్ కంపెనీలు కావా? వస్తువులు ప్రైవేటు కంపెనీలవి వాడుతున్నప్పుడు.. విశాఖ స్టీల్ ప్లాంట్ ప్రైవేటీకరణ చేస్తే తప్పేంటి? విశాఖ స్టీల్ ప్లాంట్‌ని ప్రవేటీకరణ చేస్తున్నారంటే మాకు బాధగా అనిపించింది. ఎందుకంటే ఆ ప్రాంతంతోనూ ఆ ప్రాంత వాసులతో నాకు మంచి అనుబంధం ఉంది. కానీ ఒకవిధంగా ఆలోచిస్తే ప్రవేటీకరణ అనేది కరెక్టే అనిపిస్తుంది.’ అంటూ అభిమానులతో వీడియో ద్వరా మాట్లాడిన సందర్భంలో ఈ వ్యాఖ్యలు చేశారు.
బీజేపీ చేరాలనుకుంటున్నట్లు ఇదివరకే కళ్యాణి ప్రకటించిన సంగతి తెలిసిందే. అంతేకాదు.. దేవాలయాల కూల్చివేతల ధర్నాలో బీజేపీ నాయకులతో కలిసి కరాటే కళ్యాణి కూడా పాల్గొన్నారు. ఇది విన్న జనాలు మాత్రం మీకు బీజేపీ అంటే అభిమానం ఉండడంతో తప్పులేదు కానీ.. సొంత ఊరికి ద్రోహం చేస్తున్న వారిని సమర్థించడం ఎంత వరకు న్యాయమనేది నీ విజ్ఞతకే వదిలేసున్నాం అంటున్నారు. ఇక ఆమె అభిప్రాయాన్ని తప్పుబడుతున్నావారు లేకపోలేదు.
Must Read ;- విశాఖ ఉక్కు ప్రైవేటీకరణతో ఉద్యోగులకు ఎసరు: ఉండవల్లి
