మెగాస్టార్ చిరంజీవి, మెగా పవర్ స్టార్ రామ్ చరణ్ ఒకే ఫ్రేమ్ లో కలిసి డ్యాన్స్ చేస్తే చూసి తరించాలని అభిమానులు ఎప్పటి నుంచో కోరుకుంటున్నారు. అయితే అది చిరు 150 మూవీ ‘ఖైదీ నెం. 150’ మూవీ లో సగం మాత్రమే నెరవేరింది. అందులో అమ్మడూ లెట్స్ డూ కుమ్ముడూ అంటూ.. కాజల్ తో చిరు చెలరేగిన ఆ సాంగ్ లో ఒక బీజీయమ్ బీట్ లో చిరు, చెర్రీ కలిసి చిందేసి .. అభిమానులకు మంచి ట్రీట్ ఇచ్చారు.
అయితే ఇప్పుడు ‘ఆచార్య’ మూవీలో మాత్రం తండ్రీ కొడుకులిద్దరూ .. ఒక ఫుల్ సాంగ్ లో ఒకే ఫ్రేమ్ లో కలిసి .. డ్యాన్స్ తో దుమ్మురేపబోతున్నారని సమాచారం. దర్శకుడు కొరటాల శివ ‘ఆచార్య’ సినిమాలో వీరిద్దరినీ ఒకే ఫ్రేమ్ లో చూపించడానికి తగ్గ మంచి సిట్యువేషన్ ను ఒక సన్నివేశంలో కల్పించారని తెలుస్తోంది. అలాగే.. మణిశర్మ సంగీతం అందించిన ఆ సాంగ్ .. ఒక ఊపు ఊపుతుందని.. మంచి మాస్ బీట్ తో ఆయన ఆ పాటకి బాణీ కట్టారని తెలుస్తోంది.
ఇటీవల తూర్పుగోదావరి జిల్లాలోని మారేడుమిల్లి అడవుల్లో చిరంజీవి, చరణ్ లకు సంబంధించిన కీలకమైన సన్నివేశాల చిత్రీకరణ పూర్తయింది. అంతేకాదు.. ఈ సినిమాలోని చరణ్ తన పాత్రకు సంబంధించిన షూటింగ్ పార్ట్ ను కూడా కంప్లీట్ చిసి.. ఆర్.ఆర్.ఆర్ షూటింగ్ కోసం హైద్రాబాద్ లో ల్యాండయిన సంగతి తెలిసిందే. మే 13న ప్రపంచ వ్యాప్తంగా విడుదలకు సిద్ధమవుతోన్న ఆచార్య సినిమా టీజర్ కు మంచి రెస్పాన్స్ వచ్చిన నేపథ్యంలో .. ఈ సినిమా ప్రీ రిలీజ్ బిజినెస్ కూడా ఆశ్చర్యకరమైన రీతిలో జరిగింది. మరి ఆచార్య సినిమాలో తండ్రీ కొడుకుల పాటకి ఏ స్థాయిలో రెస్పాన్స్ వస్తుందో చూడాలి.
Must Read ;- మెగా ‘ఆచార్య’లో సిద్ధకు తోడుగా బుట్టబొమ్మ
