గోపీచంద్ ‘సీటీమార్’ రిలీజ్ డేట్ ఖరారు 

టాలీవుడ్లో గోపీచంద్ ట్రాక్ సెపరేట్ గా కనిపిస్తుంది. విలన్ గా తన కెరియర్ ను మొదలుపెట్టిన ఆయన, ఆ తరువాత యాక్షన్ హీరోగా మంచి మార్కులు కొట్టేశాడు. కేవలం యాక్షన్ హీరో మాత్రమే అనే ముద్ర నుంచి తప్పించుకోవడం కోసం ఆయన ఫ్యామిలీ ఆడియన్స్ ను ఆకట్టుకునే కథలలోను మెప్పిస్తూ వస్తున్నాడు. ఈ నేపథ్యంలోనే గోపీచంద్ కామెడీలో వీక్ అనే విమర్శలు కూడా వచ్చాయి. తన సినిమాల్లో కామెడీ కంటెంటును పెంచి, అలాంటి కామెంట్లకు ఫుల్ స్టాప్ పెట్టే విషయంలోనూ ఆయన సక్సెస్ అయ్యాడు.

అలాంటి గోపీచంద్ హీరోగా ‘సీటీమార్’ సినిమా రూపొందింది. సంపత్ నంది ఈ సినిమాకి దర్శకుడిగా వ్యవహరించాడు. స్పోర్ట్స్ నేపథ్యంలో నిర్మితమైన ఈ సినిమాను ఏప్రిల్ 2వ తేదీన అంటే ‘గుడ్ ఫ్రైడే’ రోజున విడుదల చేయనున్నట్టు అధికారికంగా ప్రకటించారు. ఈ విషయమై తాజాగా దర్శక నిర్మాతలు రిలీజ్ డేట్ తో కూడిన పోస్టర్ ను వదిలారు. ప్రముఖ ట్రేడ్ అనలిస్ట్ తరుణ్ ఆదర్శ్ కూడా ఈ పోస్టర్ ను ట్వీట్ చేశారు. గోపీచంద్ కథానాయకుడిగా చేసిన  ఈ సినిమాలో ఆయన సరసన నాయికగా తమన్నా అలరించనుంది. ఈ ఇద్దరి కాంబినేషన్లో రూపొందిన ఈ సినిమాపై అందరిలో ఆసక్తి ఉంది.

క్రీడలు చూడటానికి ఆనందంగా .. ఆహ్లాదంగా కనిపిస్తాయిగానీ, కాస్తంత లోపలికి తొంగిచూస్తే, ఆ క్రీడల వెనుక రాజకీయాల నీడలు కనిపిస్తాయి. అవి ప్రతిభావంతులను ఎంతగా మానసిక  ఒత్తిడికి గురిచేస్తున్నదో  తెలుస్తుంది. అలాంటి పరిస్థితి గోపీచంద్ కి కూడా ఎదురైందేమో, ఆయన యాక్షన్ లోకి దిగిపోయాడనే విషయం ఈ పోస్టర్ ను బట్టి తెలుస్తోంది. సాధారణంగా ఒక ఫ్లాప్ ఇచ్చిన దర్శకుడితో మరో సినిమా చేయడానికి హీరోలు సాహసించరు. కానీ గోపీచంద్ మాత్రం ‘గౌతమ్ నంద’తో తనకి ఫ్లాప్ ఇచ్చిన సంపత్ నందితో కలిసి ఈ సినిమా చేయడం విశేషం. మరి ఈ సారైనా ఈ ఇద్దరూ కలిసి హిట్టుకొడతారో లేదో చూడాలి.

Must Read ;- రవితేజతో అనుకుంటే.. గోపీచంద్ తో ఫిక్స్ అయ్యిందా.?

#Seetimaar is coming to you on April 2nd!! 😎#SeetimaarrOnApril2@tamannaahspeaks @IamSampathNandi @SS_Screens @bhumikachawlat @DiganganaS @actorrahman @soundar16 #ManiSharma pic.twitter.com/ZvFgxVVeST

— Gopichand (@YoursGopichand) January 28, 2021