రచ్చబండ వేదికగా రాజీనామాపై ఆర్ఆర్ఆర్ క్లారిటీ..!
నిత్యం జగన్ రెడ్డి ప్రభుత్వ వైఫల్యాలను తన సోషల్ మీడియా వేదికగా రచ్చబండ పెట్టి తప్పులను సరి చేసుకోవాలని చెప్పే ఆర్ఆర్ఆర్ .. శుక్రవారం కూడా హైదరాబాద్ వేదికగా రచ్చబండ కార్యక్రమాన్ని నిర్వహించారు. ఇసుక, మద్యం, ఓటీఎస్, విద్యా దీవెన, విదేశీ విద్య, రోడ్లు, అభివృద్ధి, పార్టీ తీరుపై వైసీపీ ఎమ్మెల్యేల ధిక్కార స్వరాలు వంటి అనేక అంశాలపై కూలంకుషంగా చర్చించారు. రచ్చబండ కార్యక్రమం ముగిసిన తరువాత మీడియా అడిగిన ప్రశ్నలకు రఘురామ క్లారిటీ ఇచ్చారు. ఈ క్రమంలో ఒక రిపోర్టర్ ఎంపీని ప్రశ్నించారు. మీరు వైసీపీలో ఉండి వైఫల్యాలపై మాట్లాడుతున్నారు… రాజీనామా చేసి బయటకొచ్చి తిరిగి పోటీ చెయ్యొచ్చు కదా..! అని అడిగారు. దానికి రఘురామ సమాధానం ఇస్తూ.. ఇలా అన్నారు.. వారం రోజులు ఓపిక పట్టండి.. మీకు సంచలనమైన న్యూస్ ఒకటిస్తాను. నాకు జరిగిన అవమానాలకు ప్రతీకారం తీర్చుకోవాలి కదా.. అని ఘాటుగానే సమాధానమిచ్చారు. ఎంపీ స్పందించిన తీరు చూస్తుంటే.. త్వరలో రాజీనామ చేసి, ఉప ఎన్నికలకు వెళ్లాలని భావిస్తున్నట్లు తెలుస్తోంది!
బీజేపీ గూటికి ఎంపీ రఘురామ..!
పశ్చిమ గోదావరి జిల్లా, నర్సాపురం ఎంపీ కనుమూరి రఘురామ కృష్ణం రాజు రాజీనామా చేసేందుకు సిద్ధంగా ఉన్నట్లు వెల్లడించారు. వైసీపీ నుంచి 2019 లో నర్సాపురం పార్లమెంట్ స్థానం నుంచి గెలుపొందిన రఘురామ.. కొన్ని మనస్పర్థలు కారణంగా జగన్ తో విభేదించారు. ఈ క్రమంలోనే అరెస్ట్ లు, వేధింపులు వంటివి ఎన్నో ఎంపీ రఘురామ భరించాడు. అప్పటీ నుంచి వైసీపీతో గ్యాప్ మొయిటెంన్ చేస్తున్నారు. ఈ ఏడాది మార్చి నుంచి రచ్చబండ వేదికగా జగన్ రెడ్డి ప్రభుత్వ వైఫల్యాలపై తన మనోగతాన్ని సోషల్ మీడియా వేదికగా పంచుకుంటున్నారు. వైసీపీ బాధితులైన ఎందరికో అండగా నిలుస్తున్నారు. ఈ క్రమంలో వైసీపీ గుడ్ బై చెప్పి బీజేపీలో చేరేందుకు పావులు కదుపుతున్నట్లు సమాచారం. అయితే రఘురామ ఏ పార్టీ నుంచి పోటీ చేసినా.. టీడీపీ, బీజేపీ, జనసేన మద్దతు ప్రకటించే అవకాశాలు లేకపోలేదు. ఎందుకంటే బీజేపీ, టీడీపీ లకు రఘురామ కావాల్సిన వ్యక్తి! మరోవైపు బీజేపీకి జనసేన మిత్రపక్షంగా ఉంది కాబట్టి.. ఈ కాంబో వర్కౌంట్ అవుతోంది. ఈ నేపథ్యంలో సంక్రాంతికి కానీ, పండుగ తరువాత కానీ రఘురామ రాజనామా చేస్తే.. మార్చిలో జరిగే ఐదు రాష్ట్రాల ఎన్నికల తోపాటు నర్సాపురం ఎంపీ స్థానానికి కూడా ఉప ఎన్నిక వస్తోంది. నర్సాపురం పార్లమెంట్ స్థానానికి 2019 జరిగిన ఎన్నికల్లో రఘురామ 4 లక్ష 47 వేల పైచిలుకు ఓట్లు సాధించి గెలుపొందగా.. టీడీపీకి 4 లక్షల 15 వేల ఓట్లు సాధించి రెండు స్థానంలో, జనసేన అభ్యర్థి నాగాబాబు 2 లక్షల 50 వేల ఓట్లు సాధించి మూడు స్థానంలో ఉన్నారు. ఈ క్రమంలో ఎంపీ రఘురామ రాజీనామా చేస్తే.. టీడీపీ, బీజేపీ, జనసేన లు రఘురామ కు పూర్తి మద్దతునిస్తాయనే వార్ వన్ సైడ్ అన్నది ఖాయంగా కనిపిస్తోంది! అలా జరిగితే.. రఘురామ ఉపఎన్నికల్లో విజయకేతనం ఎగరవేయడం ఖాయం! ఆయన విజయాన్ని ఎవరు అడ్డుకోలేరన్నది సుస్పష్టం!! దీనిపై ఆర్ఆర్ఆర్ అండ్ టీం ఇప్పటికే గౌండ్ ను ప్రిపేర్ చేసుకుంటున్నట్లు తెలుస్తోంది! ఏ క్షణంలోనైనా రాజీనామా చేసి ఉప ఎన్నికకు సిద్ధమయ్యే అవకాశం ఉందని విశ్వనీయ వర్గాల ద్వారా అందుతున్న సమాచారం.
Must Read ;- నా కోసం మోదీ తలుపు తీశాడు .. జగన్ నా ఫేస్ పై డోరేశాడు..!
