బుల్లితెరపై హాట్ యాంకర్ గా అనసూయకి మంచి క్రేజ్ ఉంది. వెండితెరపై భారీ అందాల భామగా మంచి మార్కులను దక్కించుకుంది. బండ్లకొద్దీ బంతిపూలను గుమ్మరించినట్టు .. చామంతులను రాశిగా పోసినట్టు అనసూయ కనిపిస్తుంది. హైటూ .. అందుకు తగిన పర్సనాలిటీతో ఆమె గ్రీకు శిల్పంలా అనిపిస్తుంది. ఆకర్షణీయమైన ఆ రూపంతో పడుచు మనసులను పడగొడుతున్న కారణంగానే ఆమెకి అవకాశాలు పెరుగుతూ పోతున్నాయి. ‘సోగ్గాడే చిన్నినాయనా’ సినిమాలో చిన్న పాత్రే అయినా, తెరపైకి దూసుకెళ్లిన కుర్రాళ్ల చూపులన్నీ అక్కడే చిక్కుబడిపోయాయి. ఆ తరువాత ఆమె చేసిన ‘క్షణం’ సినిమాలోని పాత్ర, అనసూయను కొత్తగా ఆవిష్కరించింది. పోలీస్ ఆఫీసర్ తరహా పాత్రల్లోను ఈ అమ్మాయి చితక్కొట్టేయగలదని నిరూపించింది.
అనసూయ ప్రధానమైన పాత్రను పోషించిన ‘కథనం’ .. కథాపరంగా దెబ్బకొట్టేసినా, ఆమె లుక్ .. నటన ఆకట్టుకున్నాయి. బరువైన కథాకథనాలను భుజాన వేసుకుని, నాయిక ప్రాధాన్యత కలిగిన సినిమాలను కూడా అనసూయ నడిపించగలదనే నమ్మకాన్ని కలిగించింది. ఒకవైపున యాంకర్ గా బుల్లితెరపై తన జోరు తగ్గకుండా చూసుకుంటూనే మరో వైపున ఆమె వెండితెరపై తన దూకుడు పెంచడానికి ప్రణాళికలు వేసుకుంది. అందుకు తగినట్టుగానే ఆమె కృష్ణవంశీ దర్శకత్వంలో ‘రంగమార్తాండ’ చేస్తోంది. ఇది చాలా విభిన్నమైన .. విలక్షణమైన పాత్ర అని తెలుస్తోంది. మరో వైపున రవితేజ కథానాయకుడిగా రూపొందనున్న ‘ఖిలాడి’ సినిమాలోనూ ఆమె ఒక ముఖ్యమైన పాత్రను దక్కించుకుంది. డింపుల్ హయతి .. మీనాక్షి చౌదరి కథానాయికలుగా అలరించనున్న ఈ సినిమాలో అనసూయ పాత్ర, యూత్ కి బాగా కనెక్ట్ అవుతుందని అంటున్నారు.
త్వరలో ‘థ్యాంక్యూ బ్రదర్’ సినిమా ద్వారా పలకరించనున్న అనసూయ, అల్లు అర్జున్ కథానాయకుడిగా రూపొందుతున్న ‘పుష్ప’ సినిమాలోను ఒక ప్రత్యేక పాత్రలో కనిపించనుందని చెబుతున్నారు. గతంలో ‘రంగస్థలం’ మూవీలో ‘రంగమ్మత్త’ పాత్రను అద్భుతంగా డిజైన్ చేసిన సుకుమార్, ‘పుష్ప’ సినిమాలో ఆమె పాత్రను ఎలా ఆవిష్కరించనున్నాడా అనేది ఆసక్తికరంగా మారింది. అంతేకాదు ‘ఆచార్య’ మూవీలోను అనసూయకి మంచి వేషం పడిందని అంటున్నారు.
ఈ నేపథ్యంలో తమిళం వైపు నుంచి కూడా అదృష్టం అనసూయ తలుపు తట్టింది. విజయ్ సేతుపతి కథానాయకుడిగా నటిస్తున్న ఒక సినిమాలో అనసూయ కీలకమైన పాత్రను పోషిస్తోంది. తాను ఆ సినిమాలో ఓ గ్లామరస్ రోల్ చేస్తున్న విషయాన్ని చెబుతూ, తాజాగా తన లుక్ ను రివీల్ చేసింది. ఆమె ఈ సినిమాలో కాస్త బోల్డ్ గా కనిపించనున్నట్టు ఆ స్టిల్ ను బట్టి తెలుస్తోంది. అనసూయ తీరు చూస్తుంటే, ఆమె తన దూకుడు పెంచుతున్నట్టే కనిపిస్తోంది. ఆమె ఒలకబోసే వయ్యారాల వలలో అక్కడి కుర్రాళ్లు .. మాస్ ఆడియన్స్ చిక్కితే, కోలీవుడ్ కోటలో కూడా ఆమె పాగా వేసేసినట్టే.
Must Read ;- వంటలక్క వర్సెస్ బిగ్ బాస్