మలయాళ యంగ్ సూపర్ స్టార్ పృధ్విరాజ్ సుకుమారన్ ప్రస్తుతం హీరోగానూ, డైరెక్టర్ గానూ సూపర్ ఫామ్ లో ఉన్నాడు. మోహన్ లాల్ తో ‘లూసిఫర్’ లాంటి భారీ యాక్షన్ మూవీని డైరెక్ట్ చేసి ..దర్శకుడిగా తొలి ప్రయత్నంలోనే బ్లాక్ బస్టర్ హిట్ సొంతం చేసుకున్న పృధ్విరాజ్.. ఆ తర్వాత ‘డ్రైవింగ్ లైసెన్స్, అయ్యప్పనుమ్ కోషియుమ్’ మూవీస్ బ్లాక్ బస్టర్ హిట్స్ సొంతం చేసుకొని.. మాలీవుడ్ లో స్టార్ హీరోగా తన స్థానాన్ని సుస్థిరం చేసుకున్నాడు.
ప్రస్తుతం పృధ్విరాజ్ చేతిలో దాదాపు తొమ్మిది సినిమాలున్నాయి. అందులో 5 సినిమాలు పోస్ట్ ప్రొడక్షన్ దశలో ఉన్నాయి. అందులో ముందుగా విడుదల కాబోయే సినిమా ‘కురుది’. ఈ సినిమా మే 13న ఈ సినిమా ప్రపంచ వ్యాప్తంగా థియేటర్స్ లో విడుదల కాబోతోంది. ఇక రీసెంట్ గా పృధ్విరాజ్ హీరోగా ‘కడువ’ (పెద్దపులి) అనే యాక్షన్ మూవీ షూటింగ్ ప్రారంభమైంది.
మాలీవుడ్ లో ఎన్నో యాక్షన్ చిత్రాలతో సూపర్ హిట్స్ సొంతం చేసుకున్న ‘షాజీ కైలాష్’ కడువ సినిమాకి దర్శకుడు. దాదాపు ఎనిమిదేళ్ళ తర్వాత ఆయన ఈ సినిమాను డైరెక్ట్ చేస్తుండడం ఆసక్తిగా మారింది. 2013 లో జయరామ్ హీరోగా ‘జింజిర్’ అనే మూవీ తర్వాత షాజీ కైలాష్ .. దర్శకత్వానికి దూరంగా ఉన్నారు. ఇప్పుడు మరోసారి తన ట్రేడ్ మార్క్ యాక్షన్ మూవీతో తిరిగి రీ ఎంట్రీ ఇవ్వడం విశేషంగా మారింది.
సిగార్ నోట్లో పెట్టుకొని ఒక జీపు బానెట్ దగ్గర వెనక్కి తిరిగి సీరియస్ గా చూసే పృధ్వి లుక్ ‘కడువ’ సినిమా పై అంచనాలు పెంచుతోంది. అంతేకాదు…. వారు దెబ్బలాట కోరుకుంటే.. అతడు వారితో యుద్ధాన్నే చేస్తున్నాడు .. అనే లైన్ తో సినిమా కథాంశాన్ని చెప్పకనే చెప్పారు మేకర్స్. కడువకున్నేల్ కురువాచ్చన్ అనే పవర్ ఫుల్ పాత్ర పోషిస్తోన్న పృధ్విరాజ్ .. ఈ సినిమాపై చాలా నమ్మకం పెట్టుకున్నాడు. అంతేకాదు పృధ్విరాజ్ ఈ సినిమాకి నిర్మాణ భాగస్వామిగా కూడా ఉన్నాడు. మరి కడువ పృధ్విరాజ్ కు ఏ రేంజ్ లో సక్సెస్ అందిస్తుందో చూడాలి.
Must Read ;- అఖిల్ ‘ఏజెంట్’ కోసం మాలీవుడ్ కంప్లీట్ యాక్టర్ ?
#KADUVA
“They wanted a fight…He gave them a war!”
Rolling from today! @PrithviOfficial #ShajiKailas #JinuAbraham @AbinandhanR @JxBe #Shameermuhammed #SupriyaMenon #ListinStephen #Mohandas #SameeraSaneesh #AnandRajendran @MagicFrame_MF @PrithvirajProd @Poffactio pic.twitter.com/Zg6Bx5KcGx— Prithviraj Productions (@PrithvirajProd) April 17, 2021
