ఉన్ని కృష్ణన్ మేల్ నర్ప్ గా ఒక బంగ్లాలో ఉద్యోగం కోసం వస్తాడు. ఆ బంగ్లా అడవి మధ్యలో ఉంటుంది. అందులో ఉంటున్న ఓ అందమైన అమ్మాయి తాతకి పక్షవాతం అయితే.. బెడ్ మీద ఉన్న.. అతడి సంరక్షణ బాధ్యతను తీసుకుంటాడు. ఆ బంగ్లాలో ఆ అమ్మాయి తప్ప వేరే ఎవరూ కనిపించరు. రాత్రి వేళలో కొన్ని శబ్దాలు వినిపిస్తూ.. విచిత్రమైన సంఘటనలు జరుగుతాయి. తన నాయనమ్మ చిన్నప్పుడు చెప్పిన కృష్ణన్ కుట్టి అనే దెయ్యం పనే అయ్యుంటుందని భయపడతాడు ఉన్ని కృష్ణన్.
అయితే ఇది తన అమ్మమ్మ పనే అయ్యుంటుందని.. ఆమెని తన తాత కాల్చి చంపేశాడని, త్వరలో అమ్మమ్మ తనని కూడా చంపేస్తుందని.. ఇక్కడ నుంచి నువ్వు అర్జెంట్ గా బైటికి వెళ్ళిపోయి.. నీ ప్రాణం రక్షించుకోమని చెబుతుంది. అయితే ఉన్ని కృష్ణన్ ఆ అమ్మాయిని ఒంటరిగా వెళ్ళడానికి ఇష్డపడడు.
ఆ తర్వాత ఆ బంగ్లాలో కొన్ని భయంకరమైన సంఘటనలు చోటు చేసుకుంటాయి. ఇంతకీ ఆ అమ్మాయి , ఆమె తాత ఎవరు? ఎందుకు ఆ బంగ్లాలో విచిత్ర సంఘటనలు జరుగుతుంటాయి… తెలియాలంటే.. ‘కృష్ణన్ కుట్టి పనితుడంగి’ సినిమా పూర్తిగా చూడాల్సిందే. జీ5 యాప్ లో ఈ నెల 11న విడుదలైన ఈ సినిమా లో ఉన్ని కృష్ణన్ గా విష్ణు ఉన్ని కృష్ణన్, హీరోయిన్ గా సానియా అయ్యప్పన్ నటించారు. ముఖ్యంగా సానియా అయ్యప్పన్ .. అద్బుతమైన నటనతో షాకిస్తుంది. సూరజ్ టామ్ అనే కొత్త దర్శకుడు దీన్ని తెరకెక్కించాడు. సినిమా అంతా ఒక బంగ్లా చుట్టూనే తిరుగుతుంది. అయినాసరే ఎక్కడా బోర్ కొట్టదు. తప్పకుండా చూడాల్సిన సినిమా.
Must Read ;- అమెజాన్ ప్రైమ్ లో థ్రిల్ చేస్తున్న మమ్ముట్టి చిత్రం ‘ది ప్రీస్ట్’