దేవీశ్రీ ప్రసాద్, కీరవాణి, మణిశర్మ లాంటి బిజీ సంగీత దర్శకులు.. తెరపై కనిపించి.. తెలుగు ప్రేక్షకుల్ని ఎంటర్ టైన్ చేశారు. అలాగే.. సంగీత జ్ఞాని ఇళయరాజా సైతం తమిళ తెరమీద కనిపించి అభిమానుల్ని ఖుషీ చేశారు. ఇప్పుడు ఏ. ఆర్.రహమాన్ వంతు వచ్చింది. నిజానికి విజయ్ నటించిన ‘బిగిల్’ లో ఒక పాటలో రహమాన్ మెరుపు ఎంట్రీ ఇవ్వగా.. మంచి రెస్పాన్స్ వచ్చింది. ఇప్పుడు రెండో సారి రహమాన్ ఓ సినిమా కోసం కెమేరా ముందుకొస్తున్నారు. అయితే అదొక మలయాళ సినిమా కావడం విశేషం.
మాలీవుడ్ కంప్లీట్ యాక్టర్ మోహన్ లాల్ , శ్రద్ధా శ్రీనాథ్ జంటగా నటిస్తోన్న యాక్షన్ మూవీ ‘ఆరాట్టు’. బి. ఉన్ని కృష్ణన్ దర్శకత్వంలో రూపొందుతున్న ఈ సినిమాకి సంగీత దిగ్గజం ఏ.ఆర్.రహమాన్ సంగీతం అందిస్తున్నారు. అలాగే.. ఒక పాటలో మోహన్ లాల్ తో ఆయన డ్యాన్స్ కూడా చేస్తూండడం విశేషం. గతంలో ఏ.ఆర్.రహమాన్ సంగీతం అందించిన ‘యోధ, ఇరువర్’ లాంటి మోహన్ లాల్ సినిమాలు మంచి పేరు తెచ్చుకున్న సంగతి తెలిసిందే. అలాగే.. ఏ.ఆర్.రహమాన్ సంగీతం అందిస్తున్న రెండో మలయాళ సినిమాగా ‘ఆరాట్టు’ ప్రత్యేకతను సంతరించుకుంది.
‘ఆరాట్టు’ సినిమాలో ఏఆర్ రహమాన్ తో తాను నర్తించిన సంగతి మోహన్ లాల్ తన అఫీషియల్ ట్విట్టర్ హ్యాండిల్ ద్వారా తెలియచేశారు. ఈ పాట కోసం భారీ ఎత్తున సెట్ కూడా వేశారు. గతంలో మోహన్ లాల్ తో ‘ మాడంబి, మిస్టర్ ఫ్రాడ్, గ్రాండ్ మాస్టర్ , విలన్’ లాంటి సక్సెస్ ఫుల్ సినిమాలు తీసిన బి. ఉన్నికృష్ణన్ .. ఇప్పుడు ‘ఆరాట్టు’ సినిమాను తెరకెక్కించనుండడం విశేషంగా మారింది. మరి ఈ సినిమా లో ఏఆర్ రహమాన్ ఎంట్రీకి ఏ రేంజ్ లో రెస్పాన్స్ వస్తుందో చూడాలి.
Must Read ;- ఎల్లలులేని సంగీతమే ఏఆర్ రెహ్మాన్ (బర్త్ డే స్పెషల్)
A rare and remarkable shoot with the Music Maestro @arrahman for #Aaraattu. @unnikrishnanb pic.twitter.com/GPEz23e0lH
— Mohanlal (@Mohanlal) March 21, 2021
