అందంపై అన్ని హక్కులూ కొనేసిందా ఏంటి?

అందం ఒక మత్తు,  గమ్మత్తు…  మహత్తు. అది ఎక్కడ కనిపిస్తే అక్కడికి కుర్రాళ్ల చూపులన్నీ పొలోమంటూ పరిగెడుతూ ఉంటాయి. వాటన్నింటినీ చిక్కబట్టుకుని వెనక్కి తీసుకురావడం అంత తేలికైన పనేం కాదు. అందంపై అమ్మాయిలంతా శ్రద్ధ తీసుకుంటూనే ఉంటారు. ఇక ఆ అందమే కొన్ని కోట్ల రూపాయలను తెచ్చిపెడుతుంది గనుక, హీరోయిన్లు తమ గ్లామర్ పై మరింత శ్రద్ధ పెడుతుంటారు. అయితే సీనియర్ స్టార్ హీరోయిన్లు కూడా ఇప్పటికీ అదే గ్లామర్ ను మెయింటేన్ చేస్తూ, కుర్ర హీరోయిన్లకు షాక్ ఇస్తూ ఉంటడం విశేషం. తాజాగా శిల్పాశెట్టి కూడా అదే పని చేసింది.

పొడుగుకాళ్ల సుందరిగా శిల్పాశెట్టి ఒకప్పుడు బాలీవుడ్ ను ఒక ఊపు ఊపేసింది. స్టార్ హీరోలతో కలిసి బాలీవుడ్ తెరను ఏలేసింది. తెలుగులో ఈ భామ ఓ మూడు సినిమాలు చేయగా, వాటిలో ‘సాహసవీరుడు సాగరకన్య’తో మంచి గుర్తింపు  తెచ్చుకుంది. ఇప్పటికీ ఆమెను ‘సాగరకన్య’గానే ప్రేక్షకులు గుర్తుపడతారు. అయితే హీరోయిన్ గా తన జోరు తగ్గిందిగదా అని చెప్పేసి, శిల్పా శెట్టి తన గ్లామర్ ను నిర్లక్ష్యం చేయలేదు. మునుపటిలానే కేర్ తీసుకుంటూ, అందంపై అన్ని హక్కులను కొనేసిందా అన్నట్టుగా కనిపిస్తోంది. అందువల్లనే సోషల్ మీడియాలో ఆమె ఫాలోయింగ్ పెరుగుతూ పోతోంది.

సాధారణంగా సీనియర్ హీరోయిన్లకు అవకాశాలు తగ్గినా .. గ్యాప్ వచ్చినా, స్లిమ్ గా ఉండటం కోసం అప్పటివరకూ చేస్తూ వచ్చిన కసరత్తులు మానేస్తూ ఉంటారు. దాంతో బరువు పెరిగిపోయి గుర్తు పట్టలేనంతగా మారిపోతూ ఉంటారు. కానీ శిల్పాశెట్టి అలా కాదు .. రెగ్యులర్ గా వర్కౌట్స్ చేస్తూ, అదే గ్లామర్ ను మెయింటేన్ చేస్తూ వెళుతోంది. అందుకు నిదర్శనమే ఈ ఫోటో. ఇందులో  శిల్పా శెట్టి, కొత్త హీరోయిన్ మాదిరిగానే ఇక్కడ తళుక్కున మెరుస్తోంది. వెరైటీ డ్రెస్  ధరించి ఒక రేంజ్ లో పోజు ఇచ్చింది. ఇదిగో ఈ గ్లామర్ కారణంగానేనేమో బాలీవుడ్లో కీలకమైన పాత్రలను చేసే ఛాన్సులను వరుసగా కొట్టేస్తోంది.

Must Read ;- అందాల కీర్తి సురేశ్ కి అరుదైన గౌరవం!